التلاعب النفسي " لعبة اللي فيا هجيبه فيك " و كيف تنجو من فخ السلبية

التلاعب النفسي " لعبة اللي فيا هجيبه فيك " و كيف تنجو من فخ السلبية

التلاعب النفسي " لعبة اللي فيا هجيبه فيك " و كيف تنجو من فخ السلبية

فخ السلبية:

عارف لما فجأة كدة و بدون مقدمات تجد نفسك متضايق او حزين من غير سبب
او تلاقي روحك مخنوق و مش طايق روحك و مستعد تتخانق مع اي حد هيقرب منك
او تفتعل خناقة مع مراتك او اولادك بلا داعي و تنكد عليهم و بعدين ترجع تلوم روحك و تبقي مندهش من تصرفك المبالغ فيه دا

تصرفات و مشاعر محيرة في نظرك ملهاش تفسير مقنع
ايه اللي جرالك ؟ ما انت كنت كويس؟
يمكن اتجننت و الا ايه؟

الحقيقة ان المشاعر السلبية الي لابساك زي الجني دي مش مشاعرك و لا تخصك , لكنها اتحدفت عليك من حد تاني
حد تاني ازاي يعني ؟

فاكر الصبح لما لقيت مصطفي زميلك في الشغل متكدر و واخد جنب و البؤس مرسوم علي وشه
و لما صعب عليك و قررت انك تفك عنه شوية
قومت سألته مالك يا مصطفي ؟
رد عليك مفيش يا عصام
يا راجل انت مالك بس قولي يمكن اقدر اخفف عنك
مش عايز اشغلك بمشاكلي , انا همي كبير,
يا سيدي قول بس خليني اشيل عنك

بس يا سيدي
و ما صدق مصطفي انك قررت تتبرع بمهمة انك تشيل عنه
و بدأ يلف حبل مشاكله حوالين رقبتك
و بمرور الوقت و مصطفي لا يكف عن الشكوي و تفريغ البؤس اللي جواه نحوك

الي ان بدأت مشاعر التعاطف اللي جواك تتحول لخنقة و حزن و كأن الهوا بيتشفط من المكان , لكنك مش عارف تخرج و لا تتراجع
كل ما تقوله حل , يقفلها في وشك . كل ما تهون عليه بفكرة يسدها ب 100 عقبة
و كأنه مش عايز غير انه يشتكي او ما صدق يشتكي
من غير ما يفكر فعلا ان يجرب اي فكرة او مقترح
و لما ظهرت علامات اليأس علي وشك

بدأ مصطفي يرتاح و كانه لمجرد انه اقنعك ان مفيش فايدة و لا فرصة للحل و انك ابتأست اكتر منه , شعر بالراحة و الاطمئنان
المهم انك علي ما نفدت بجلدك من بين يدي مصطفي كان بؤس الدنيا كله اتنقل لك,
راجع بيتك حاسس بحزن رهيب ملوش سبب و لا ليك نفس لاي حاجة و لا عارف تعمل ايه عشان ترجع زي الاول

قيس بقي علي كدة لو مصطفي او حد تاني كان نقل لك مشاعر سلبية تانية زي الغضب او الاستياء مثلا
و لقيت نفسك فعلا عصبي و مشدود و مش طايق روحك بلا سبب واضح 

هو دا بالظبط الي بيحصل

لعبة اللي فيا هجيبه فيك

لما بتتعاطف مع الشخص السلبي و تقرر انك تتولي بالنيابة عنه حل مشكلته او تتولي مسؤلية تغيير مشاعره
و بقصد او بدون قصد ينقل لك هو المشاعر السلبية دي من خلال الجدال و المناهدة و المناورات الكلامية الي بغرض وضع العراقيل امام اي حل و تقفيل الطرق امام اي فرصة للخروج من الأزمة

و سواء بقي هو مش قادر يتغير او مش عايز يتغير , كونك فقط اعطيته الرفصة لما شعرت بالذنب او بالمسؤلية تجاه مشاعره الي تكونت لديه نتيجة ظروف انت لست مسؤلا عنها , لكنك من باب التعاطف قررت تتصدي لمهمة تغييرها
كانت النتيجة انك سقطت في فخ تفريغ المشاعر السلبية دي في داخلك , و سهلت له مهمة نقل العدوي اليك

فهمت اللعبة؟

عشان كدة المرة القادمة لما تلاقي حد زي مصطفي بيعاني من مشاعر سلبية انت لست طرفا فيها او مسؤلا عنها
تعاطف لكن بحذر 

عبر عن تفهمك لما يعانيه , اكد له انك موجود لو حب يلجا ليك في اي وقت
اكد له انك بتثق في قدرته علي ايجاد حلول لمشاكله او اعرض عليه التوجه لشخص متخصص
و الزم حدودك عند هذه النقطة و لا تتعداها لما هو ابعد من ذلك حتي لا تقع في الفخ

و اذا حدث و وقعت في فخ التفريغ السلبي لمشاعر لا تخصك
فلا تنزعج او تشعر بالزعر و كن مستعدا بالخطة البديلة
فقط ابحث عن السبب الحقيقي و حدد مصدر تلك المشاعر في البداية , ثم حلل الطريقة التي وصلت بها تلك المشاعر و قرر الا تكن فريسة سهلة لتفريغ تلك المشاعر في المرات القادمة

ثم عليك بان تقوم بالتخلص من تكل المشاعر من خلال التواصل مع شخص ايجابي يتسم بالرضا عن ذاته او لديه القدرة علي ان يساعدك في تطهير روحك من تلك المشاعر , سواء من خلال التواصل المباشر سواء كان صديقا او شخصا متخصصا

فان لم تجد فابحث عن أحدا تستمع اليه عبر اليوتيوب او احد منصات التواصل الاجتماعي
او كاتبا ملهما تقرأ كلماته الايجابية الملهمة حتي تهدأ روحك و تتخلص من تلك السموم النفسية التي تجري في روحك
المهم يا عصام .. انك عرفت اللعبة و فطنت للدرس


شاهد في الفيديو التالي مزيد من التوضيح لفكرة التخلص من تفريغ المشاعر السلبية


اقرا ايضا:
أفضل طريقة لادارة الضغوط و التوتر بحياتك

للتواصل حول الاستشارات الزوجية او استشارات العلاقات و تطوير الذات يرجي الضغط علي الرابط التالي :

ليست هناك تعليقات

إرسال تعليق