نتيجة الثانوية العامة 2020 ...... بداية مش نهاية
بمناسبة البعبع السنوي و الرعب الأسري من نتيجة الثانوية العامة
و حزن كثير من الطلاب انهم ليسوا من أوائل الثانوية العامة
انا فاكر اني حصلت علي 94% في الثانوية العامة و دا حرمني اني ادخل الكلية الي كنت بحبها و بحلم ادخلها و كان الفرق بيني و بينها يادوب درجتين اتنين فقط
و دخلت كلية تانية خالص ؟ الا وهي " كلية الاعلام " و علوم الاتصال , و بعد ما درست فيها اربع سنوات و تخرجت عشان احاول اشتغل في هذا المجال
كانت الامور وقتها بالنسبة لي صعبة جدا اني احصل علي فرصة للعمل في مجال الاعلام حيث تطلب الامر وقتها واسطة كبيرة
عموما شاءت الظروف اني اشتغل في مجال تالت خالص بعيدا عن ما حصلت عليه في الثانوية العامة او ما درسته في الجامعة بعد ذلك
و ظللت اعمل في هذا المجال لسنوات طوال تعدت الخمسة عشر عاما , مررت فيها بتعثرات و نجاحات الي ان قادتني الظروف اخيرا و لسبب يعلمه الله للمضي قدما في طريق شغف كنت اراه بعيدا لكن لم اكن اعرف سبيلا للوصول اليه او ترجمته لامر واقع ملموس
كان مجرد طيف بعيد يطل في خيالي للحظات او دقائق و يذهب
شغفي في الكتابة و التعبير عن مشاعر الناس و احلامهم
و الان و قد وصل بي العمر لسن الاربعين وانا امارس شغفي في مجال اخر مختلف اري فيه شغفي و حلمي و رسالتي
الان امارس شغفي في الكتابة و التدريب في مجال العلاقات الانسانية
اصبح لدي مئات الالاف من المتابعين من كل مكان في العالم
وصلت لشغفي اخيرا
حتي و لو وصلت اليه متأخرا قليلا , لكنها اقدار الله و كل شئ بميعاد و ترتيب من الله
صدقني
كلها محطات و مراحل في حياتكالثانوية العامة مش اخر الرحلة و لا نهاية العالم
ايا ما كنت نتيجتك ف هي محطة في رحلة حياتك القادمة
لا تتوقف كثيرا عندها و انظر لما بعد ذلك
ابحث في نفسك عن طاقات و معاني جديدة
ارسم لنفسك طريق مليئ بالنجاح و الشغف
اوعي تقف عند تعثر او فشل
كلها دروس بنتعلم منها
جايز ربنا بيقفل لك باب انت بتتمناه عشان يفتح لك باب تاني فيه الخير كله ليك
اوعي تقنط من رحمة ربنا بيك او من اختياره ليك
فقط , اسعي و اتعلم و طور نفسك
و خليك متابع لتطورات و متطلبات السوق من مهارات و لغات و معرفة
تابع قصص الملهمين و النابغين في مجالاتهم و اجعل من قصص تعثرهم و نجاحهم قدوة ليك
شوف حكاية صعود كل دول:
- جيف بيزوس ( 131 مليار دولار ) - أمازون
- وارين بافيت صاحب ال 89 عام ( 73 مليار دولار ) -خبير مالي
- مارك روكربيرغ ( 54 مليار دولار ) - فيسبوك
- لاري بيج ( 50 مليار دولار ) - جوجل
ازاي اصحبوا في قائمة الاغني و الاشهر في العالم و هم لسة شباب و لم تكن شهاداتهم الجامعية طريق للثروة او تحقيق النجاح
هو دا الي هيعمل لك قيمة و ثمن و يخليك تعمل فرق
انك تستثمر في نفسك و في عقلك و شخصيتك و تطوير مهاراتك
شباب كتير حصلوا علي اعلي الدرجات في الثانوية العامة و للاسف كانت دي النهاية بالنسبة ليهم
عشان اهاليهم جعلوا منهم مجرد خيل بيجري في سبق ملوش حلم و قيمة غير انه بس يحقق اعلي درجة يقدر يوصل لها , و بعد كدة اختفوا تماما و بقوا مجرد ارقام علي الهامش
هي ليست دعوة للتخاذل او التكاسل عن السعي و التفوق لكنها دعوة للواقعية و الرضا
طالما تعبت و اجتهدت و عملت الي عليك, ارضي بما قسمه الله لك و ابحث لنفسك عن تحديات جديدة و ارسم مستقبلا يليق بك و باحلامك
ليست هناك تعليقات
إرسال تعليق