حكاية أمر شخصي - و ما بني علي باطل

حكاية أمر شخصي  -  و ما بني علي  باطل

حكاية  أمر  شخصي  -  و ما بني علي باطل

في مسلسل الا انا , و تحديدا حكاية " امر شخصي "

واللي فيها الفنانة  "  شيري عادل "  بتقوم بدور هاجر, البنت البسيطة اللي ابوها متوفي و عايشة مع امها واخواتها و كل املها هي و امها انها تلاقي عريس او شريك حياة محترم ابن ناس يصونها و يحافظ عليها, و لحد ما سنها تعدي سن الثلاثين و هي منتظرة الحلم دا , ظهر " عمرو " شاب لطيف هادئ يبدو ظاهريا حسن الخلق , وحيد لاب و ام منفصلين

و قرر انه يقدم لها #الوعد دا و يتصدي لمهمة تحقيق حلمها البسيط في الامان و الاستقرار

و للاسف " هاجر " صدقت الوعد المزيف و اتعلقت بيه و جريت معاه وراه الحلم

" عمرو " و اهله للاسف ظلموا "هاجر" و حرموها من اهم حق للبني ادم في حياته و هو حق الاختيار

حقه انه يعرف الحقيقة كاملة كدة علي بعضها بحلوها و مرها و يكون بعدها حر في انه يقول اه او لأ

قدموا وعد مزيف بالامان و هم كانوا اول من سرقه منها

"عمرو" كان مدمن مخدرات و اهله للاسف عارفين - و خبوا علي هاجر المعلومة الكارثية دي

و تركوها تعيش مع مدمن في بيت واحد و تعاني معاه لوحدها و هي بتكتشف كل يوم حجم التدمير الي بيقوم بيه جوزها تجاه حياتها الزوجية , لحد ما بيتفصل من شغله لسوء السلوك و بعدها بيتخلي عنها و قرر يترك البيت في اصعب وقت هي محتاجاه فيه جنبها

وهي بتولد بنتها اللي اتكتب عليها تيجي للدنيا تلقي ام وحيدة مكسورة مخذولة , و اب مدمن غير مسؤول سرق شبكة امها عشان يشتري بثمنها المخدر الي ضيعه و ضيع بيته

عشان تبدأ رحلة معاناة هاجر مع الدنيا و هي يادوب لسة بتدخلها ,خرجت منها و علي كتفها رضيعة صغيرة محتاجة رعاية و أمان
اللي عايز اقوله من الحكاية دي

هل كل الكدب مقبول؟

هل ينفع نبني خير علي اساس من الشر

هل ما بني علي باطل يصبح باطل ؟

هل تجريد الانسان من حقه في القبول او الرفض لاي كان السبب , مبرر للكدب و التدليس ؟

هل الانسان دا لو عرف الحقيقة و اتصدم بالفخ اللي وقع فيه , لو قرر يثور و يمشي , هيبقي ظالم و غير مسؤول؟

هل من الاصول و التربية و الدين و الاخلاق اننا نورط انسان تاني ملوش ذنب في كوارثنا و خطايانا بدون ما نخبره او نخيره لمجرد اننا عاوزين نحل مشاكلنا علي كتفه او نتداري فيه؟

ياتري المجتمع فيه كام هاجر و كام عمرو و كام حكاية كدب و تدليس زي دي؟

كام حد صحي من النوم لقي نفسه مضحوك عليه , بعد ما تم استغلال طيبته او ضعفه او احتياجه و اتعشم بوعود مزيفة ؟

طيب ماذا لو كانت العودة صعبة و الحمل اصبح تقبل و بقي في اولاد ضحايا للكدبة دي , التصرف هيكون ازاي؟


شاهد : خطايا و كوراث البنات في فترة الخطوبة


في رأيي ان الثقة اساس العلاقات و الصدق ضامن اساسي لنجاحها

و الكذب خيانة و تدليس , فطالما كذبت , فانت تعلم جيدا ان ما تخفيه فيه ضرر للطرف الاخر و ابخاث لحقه و ظلم له

اذن نجاح العلاقات يقوم علي ثلاث محاور هامة:
  •  المصارحة
  •  الثقة
  •  الحرية
و اي طرف يقوم بتجريد الطرف الاخر من اي من هذه الحقوق فهو غير أمين و غير مسئول , و ليتحمل وحده تبعات كذبه و تضليله.

ايضا من المهم جدا اننا قبل ما نصدق اي حد يطرق الباب محملا بالوعود , ان نتروي و نتاكد من مدي مصداقيته . و عدم التغافل عن اية عيوب قد تطرأ في بداية العلاقة او فترة التعارف او فترة الخطوبة تحت وطأة ضغط الاحتياج النفسي او العاطفي
أو تحت تأثير الضغط من الأهل لقبول شخص لديه عيوب واضحة لا يمكن التعايش معها او تقبلها

يجب ان نستغل عامل الوقت لصالحنا في مراقبته في مواقف مختلفة و الحكم علي سلوكه و تصرفاته و مدي اتزانها و اتساقها مع كلامه وعوده و الا ننجرف خلف تيار الاحلام الكاذبة

فقرار الزواج و اختيار شريك الحياة هو قرار مصيري يحتاج دراسة و مشورة و وعي .
و في النهاية يبقي السؤال الاهم و الاخطر

هل اخفاء بعض المعلومات الخطيرة و المدمرة للسعادة الزوجية عن شريك الحياة المستقبلي , امر شخصي ؟ ام انه خيانة و كذب ونوع من التضليل من أجل تجريده من حق اصيل له ؟



لذلك و من أجل مزيد من التوعية لشبابنا و بناتنا قبل خطوة الزواج و اختيار شريك الحياة, 
 اقدم لهم بعض النصائح الهامة جدا في الفيديو التالي:

101 سر لازم تعرفهم قبل ما تاخد خطوة الجواز و الا ماتتجوزش

 للتواصل حول الاستشارات الزوجية او استشارات العلاقات و تطوير الذات يرجي الضغط علي الرابط التالي :

ليست هناك تعليقات

إرسال تعليق