بعد انتشار خبر بشأن زوجةطلبت من زوجها الطلاق، فوزع صورها عريانة
لأصحابه
و اهله طلبوا ٢٠٠ الف عشان تتطلق
هل يجوز للزوجة ان ترفض اعطاء زوجها صورا حساسة لها ليحتفظ بها علي موبايله؟
هل
من الآمن ان يطلب الزوج من زوجته بعض الممارسات الحميمة عبر الانترنت؟
شوف
هي حرية شخصية و كل واحد يعمل الي هو عايزه
بس انا رأيي ان اي زوجة لازم ترفض ان يكون ليها صور حساسة علي موبايل جوزها او ان يكون في اي ممارسات حميمة تتم عبر الفيديو الشات
حتي لو تم ابتزازها او الضغط عليها بكلام من نوعية ما انتي لو بتحبيني كنتي عملتي كذا
او اصلك ست باردة و مش زي باقي الستات
مفيش حاجة مضمونة و محدش عارف بكرة في ايه
او موبايلك او حسابك دا ممكن يقع في ايد مين
مراتك و حلالك ،علي راسي يا سيدي ، بس لو بتخاف عليها مش هتقبل ان يكون ليها صور او فيديو ممكن يتنقل كدة او كدة بمزاجك او غصب عنك
يا سيدي يكفي ان الانترنت و البرامج بتاعة الموبايل كلها مخترق و معدش في حد متأمن
دا غير ان البعض من قليلي الاصل و منحرفي الشخصية وقت الخلاف او لا قدر الله لو حدث طلاق، ممكن يعملوا حاجات كتير منافية للرجولة و الاخلاق و القانون
لذلك و من الاخر كدة
انا ضد ان اي زوجة توافق ان يكون ليها صور او توافق جوزها علي اي ممارسات جنسية عبر الانترنت
لان دي حاجة اسمها حرية ضبط الحدود الشخصية الجنسية
علموها لبناتكم عشان محدش يضحك عليهم
دا بمناسبة الاخ اللي مراته طلبت منه الطلاق، وزع صورها عريانة لأصحابه
و اهله طلبوا ٢٠٠ الف عشان تتطلق
و ارجو اننا لا نزايد و نخرج الموضوع بره حكاية طاعة الزوج
عشان طاعة الزوج مش انها تقلع هدومها كاملة عشان يحتفظ بصورة ليها للذكري
و الا تسمح له يصور لها فيديو في وضع حميمي؟
تكفيه في بيتهم، في اوضة نومه مش علي موبايله و علي للايف فيديو
و دا مجرد رأي
ليست هناك تعليقات
إرسال تعليق