أنا عاوزة اتطلق، صح و الا غلط؟

  

أنا عاوزة اتطلق، صح و الا غلط؟

أنا عاوزة اتطلق، صح و الا غلط؟

دي الكلمة الي بسمعها في استشارات كتير مع ستات تعرضوا للخيانة من ازواجهن , و وصلوا لمرحلة ال Divorce phase 

في من الازواج دول  الي تاب و عايز يصلح حياته

و فيهم اللي بيتعامل مع الامر ببرود و تجاهل 

و فيهم اللي مستمر في خيانته حتي لحظة كتابة تلك الكلمات.

طيب ما هو الحل الامثل؟

سهل جدا تتبني موقف اي ست جاية منفعلة و محملة بكم كبير من الغضب و الاستياء و تقولها اتطلقي حالا

سهل جدا تلعب علي وتر العيال و كلام الناس و الفرص التانية و تقنعها تقعد

سهل جدا تساعدها تاخد خطوة هي مش قدها و لا قد نتائجها

بس انا عمري ما بعمل دا و لا هعمله

لاني معنديش اجابات نموذجية و لا حلول معلبة لكل ست

كل ست و ليها حكايتها المختلفة زي بصمة صباعها .. 

قد تتشابه في ظاهرها مع حكاية ست تانية لكن في الاخر ليها خصوصيتها و ظروفها الخاصة بيها هي،

ماينفعش تسمعي كلام اي حد و تمشي علي هوي اي حد مش فاهم كويس 

و الحقيقة اني غالبا بتكون كتير من نصائح الاهل و الاصدقاء غير صائبة و بتغرق اكتر الا من رحم ربي

كل واحد بيقدم لك النصيحة حسب هواه و مصلحته و خبراته اللي هي نتاج ظروف مختلفة عن ظروفك

و فيهم اللي بيخذلك بصمته خوفا من أنه يتحمل مسؤولية ظروفك او مستقبلك

لذلك اي واحدة تيجي تقولي عايزة اتطلق ،

الحقيقة لازم اسمع و اسأل و افهم و اتطمن و اشوف اللي هي مش شايفاه ، قبل ما اقول لها ايه الي لازم يتعمل

ممكن يكون في حقيقي فرص تانية تستحق الاتاحة لكل الاطراف

و ممكن يكون الانفصال هو القرار الاصوب لكن التوقيت مش مناسب

Divorce decision - قرار الطلاق مش قرار انفعالي و لا لحظي - دا نقطة فاصلة في تحديد مسار مستقبلك

شاهدي الفيديو التالي

انا عاوزة اتطلق

 

 دوري هنا اني اساعد حضرتك انك تاخدي القرار المناسب ليكي في التوقيت المناسب ليكي أيا كان هو ايه و نتايجه ايه

المهم انك كزوجة و أم و انسانة قبل كل شئ لازم تكوني واقفة علي أرض صلبة ، وانتي بتاخدي قرارك مش مجرد قرار انفعالي متهور يحقق انتصار زائف لكرامتك و تطلعي انتي برده الخسرانة في الاخر 

المهم يكون ال Divorce decision  دا قرار مدروس مراعي ظروفك و احتياجات اطراف تانية  زي الاولاد و بيلائم ردود افعال الي حواليكي زي الاهل او حتي الزوج الخائن نفسه

خراب البيوت مش سهل

و عمارها اصعب 

و علي كل طرف تحمل مسئولياته و تبعات تصرفاته

تحياتي


ليست هناك تعليقات

إرسال تعليق