3 تصرفات تفقدك الاحترام في عيون من حولك

 
3 تصرفات تفقدك الاحترام في عيون من حولك

3 تصرفات تفقدك الاحترام في عيون من حولك 

لما حد يكون شايفك في مكانة عالية و يري فيك مثالا للاحترام و التقدير , و مرة واحدة تنزل من نظره و يشوفك شخص قليل غير جدير بالاحترام و الثقة
دا مش شئ مفاجيء لكنه امر و قناعة بتتكون داخل الانسان بالتدريج

افعالك و تصرفاتك هي اللي بتضمن لك الحفاظ علي الاحترام و مكانتك في قلوب الاخرين ,  او تجعلهم يستاؤن و ينظروا لك بشكل يحقر من شانك

و خد بالك , الاحترام و الثقة وجهان لعملة واحدة 
و مش بالفلوس و لا بالمناصب و لا بالصوت عالي و الدارع

عموماهكلمك في المقال التالي عن:

اسوأ 3 تصرفات ممكن يخلوك تنزل من عين اليل قدامك و يفقد احترامه لك:


1- الكذب المتكرر:

تكرار نفس الخطأ و الاعتذار عليه مرات عديدة بيفقد الاعتذار قيمته و يكسر الثقة في انك هاتقلع عن ذات التصرف

او انك بتاخد من الكذب منهج و اسلوب حياة , تداري بيه علي اخطاءك و افعالك المشينة , علي اعتبار انك شخص لا يقوي علي المواجهة و تحمل مسئولية اخطاؤه , او ن الكذب بيحقق لك مكاسب اسهل و اقل جهد, رغم الخسائر الحتمية علي المدي البعيد

, و بالتالي تكرار الكذب امر فعال جدا في انك تفقد الاحترام في عيون الاخرين

شوف في المقال التالي:

5 شروط هامة حتي يصبح اعتذارك مقبولا و ناجحا


2- الوعود الزائفة:

ليس هنا امر محبط لاي انسان اكثر من انه يتعلق بوعود زائفة و حبال أمل دايبة , 

انك توعد حد بالامان في جوارك , او توعد حد انك هاتتغير و تبقي احسن , او توعد حد بالكف عن الاذي , و في النهاية تستمر في نسج خيوط الخذلان ببراعة , النتيجة الحتمية هي انكسار الثقة و هدم جسور الاحترام بينكما

نصيحة:
ماتوعدش وعد انت مش قده , عشان مفيش حاجة تخلي حد يخلف وعده ,غير ان الوعود من الاول كانت مزيفة


3- الهروب من المسئولية:

من الاخر كدة اسمها " الخذلان " جاية من ----- " انت خذلتني " كسرت ضهري 
افتكرت هلاقي فيك السند و الضهر , لقيتك حيطة مايلة 
كل ما ادور عليك جنبي مش بلاقيك 

حجج , اعذار , مراوغات 
عفوا , رصيدك خلص - وانا اتعودت امشي حياتي من غيرك  , واحترامي ليك بقي مش موجود
وجودك اصبح هو و العدم سواء 

في النهاية:

افعالك هي الي بترسم و تحدد مكانك و مواقفك هي اللي بتكشف معدنك و اصلك
حلو الكلام و جميلة الوعود بس حقيقي المواقف كاشفة 

خليك حقيقي , مش مزيف عشان صورتك تفضل زي ما هي و مكانتك تفضل عالية في القلوب 
فانت من تحدد كيف يعاملك الاخرون 
الاحترام سيد البقاء 

شوف في الفيديو التالي:

6 مفاتيح للحفاظ علي الاحترام في العلاقة 

ليست هناك تعليقات

إرسال تعليق