جوزي مهتم بأمه المسنة بزيادة و بيته اولي بفلوسه

جوزي مهتم بأمه المسنة بزيادة و بيته اولي بفلوسه


جوزي مهتم بأمه المسنة بزيادة و بيته اولي بفلوسه

أنا  سيدة عمرى 42 سنة وجوزى عمره 49 سنة ومتزوجة من 18 سنة ولدى منه ثلاث بنات  , زوجى ميسور الحال ويقوم بكل إحتياجات بيته وكريم معى لحد كبير 

مشكلتى معه أن أم زوجى عمرها 71 سنة وهو يهتم بها بشكل مبالغ فيه فهو يتصل بها يوميا وأحيانا أكثر من مرة فى اليوم , و يزورها أسبوعيا ويرسل لها شهريا مبلغ 1000 جينيه على الرغم من أنها تتقاضى معاش 600 جينيه شهريا

و فوق كل دا  ولما بتمر بظروف صحية ياخدها ويلف بيها على الدكاترة ويجيبلها الدوا ويزورها بشكل يومى وبعض الأيام بيبات عندها وما عندوش مشكلة يصرف على علاجها مهما تكلف

فى حين له أخين وثلاث أخوات بنات وظروفهم المادية كويسة وما بيعملوش مع أمهم زى ما بيعمل زوجى معاها

الموضوع ده مزعلنى جدا وشايفة إن بناتى أولى بالمصاريف إلى بيدفعها جوزى لأمه وإتكلمت معاه كتير وقولتوا ليه إنت بتعمل ليه مع أمك كده ؟
إنت مزود الموضوع أكتر من اللازم,  ما تخليك زى إخواتك وهو يسمع كلامى ويطنش وكأنى بكلم نفسى , ولما أزود معاه فى الكلام يتعصب على ويعلى صوته ويقفل على الموضوع

ماما كانت عندى فى البيت وكلمت جوزى فى الموضوع ده , و هو رد عليها وقالها ده موضوع يخصنى وبلاش نتكلم فيه ، فرجعت ماما كلمته تانى ,  وقالها للمرة التانية بأقولك ده موضوع يخصنى وما تتكلميش فيه ، فماما زعلت وإتعصبت و قالت له ا إزاى ما أتكلمشى ده حق بنتى وإنت بتضيعه ,  قالها يا للمرة التالته بأقولك إنت ما لكيش دعوة بالموضوع ده

أنا وأمى زعلنا وإتعصبنا وصوتنا على وإتكلمنا معاه بطريقة مش كويسة فهو كمان على صوته وقال لماما إنتى فى بيتى ,  يا تتكلمى بإحترام يا تتفضلى ,  فأنا زعلت علشان ماما وقولتله لو ماما مشيت زعلانة هأمشى معاها , فقالى إلى ما يحترمشى بيتى ويعلى صوته علىا فى بيتى ما يلزمنيش ، وبعديها لميت هدومى ومشيت أنا وأمى من البيت .

ودلوقتى مر أربع شهور وهو سايبنى ما بيسألش فيا , و كمان  وراح جاب ست كبيرة ساكنة قريب من البيت بتيجى البيت كل يوم تنضف وتطبخ وتغسل وبيديها مرتب شهرى ، وما فكرشى مرة يتصل بيا أو حتى يبعت لى مصاريفى , ونسى عمرى إلى ضيعته فى خدمته وخدمة بناته
ومش كفاه كده , دا  راح كمان خطب واحده أرمله تبقى أخت زوج أخته وحاليا بيشطب فى الشقة إلى فوق شقتى علشان يتجوز فيها

فأنا دلوقتى عايزة أروح أشتكيه فى محكمة الأسرة , و مش عارفه تصرفى كده صح ولا غلط .؟

تعليقي الوحيد علي القصة دي هو

كما تدين تدان و يوما ما سيعود اليك ما تعمل ان خيرا ف خير و ان شرا ف شر

ليست هناك تعليقات

إرسال تعليق