نعم انا الزوجة الثانية - و لي احتياجات

                                    نعم انا الزوجة الثانية - و لي احتياجات  


نعم انا الزوجة الثانية - و لي احتياجات 


أنا زوجة تانية وكان بينا إتفاق أنا وزوجي بعدم إخبار زوجته الأولي حفاظا علي أسرته وأولاده, وأنا فعليا موافقة جدا ع الرأي دا لأني مش بحب المشاكل ولا وضعي الإجتماعي ولا سني مناسب للقلق دا

أنا وافقت علي الوضع دا لأني حبيت زوجي وكان مهتم جدا بكل شؤني و مغرقني حب و اهتمام لاقصي حد , لدرجة انه فعلا علقني بيه بشدة بعد الجواز بحوالي خمس ست شهور حسيته متغير و بقي يبعد عني مبقاش في تليفونات زي الأول وزياراته إتباعدت

ولما عاتبته قالي حاسس إن الأولي شاكه فيه , قولت مش مشكلة وضغطت علي نفسي إني أتقبل الوضع و اهماله ليها اللي بقي واضح جدا , و لما كنت بشتكي و بيفيض بيا , الاقيه يهاجمني و يتهمني اني نكدية و مش مقدرة الظروف .دا بدل ما يطمنني و يحتويني و يهدي النار اللي جوايا , بيعاملني بنفور و قسوة لم اتعود عليها منه

عاوزة أقول من انه قبل ما يتجوزني وبعد ماتجوزني عمري ما كنت ببادر وأتصل بيه دا مبدأ عندي لكن أنا محتاجاه في حياتي أوووي, و لاحظت انه بقي في صمت ما بينا , يعني الزيارة ممكن تنتهي بإننا نشرب أو ناكل لقمة مع بعض ومعاشرة ويمشي ودا خلي نفسيتي تتأذي .
نفسي بقي من خلال تجاربكو لو حد مر بتجربتي دي يقولي أعمل إيه نفسي علاقتي تقوي معاه لأني فعلا بحبه و تعلقة بيه و مش قادرة اخد موقف ضده


تعليقي علي المشكلة :

في البداية يجب التأكيد علي انه قد يسعد الزوج بالزوجة الثانية في أول الزواج , وتكون عنده مفضلة على الزوجة الأولى باعتبار أن كل ما هو جديد جاذب , ولكن بعد فترة زمنية من الزواج ومشاكل الحياة تصبح الحياة الروتينية هنا مثل هناك , ففي هذه الحالة عليها أن تعلم أنه في كثير من الأحوال يرق الزوج لزوجته الأولى , فعليها ألا تصدم من ذلك وان تتوقعه 

على الزوجة الثانية أن تعلم أنها في نظر الزوجة الأولى دخيلة عليها , لأن الزوجة الأولى تؤكد دوما أنها هي التي بدأت مع الزوج طريق حياته خطوة بخطوة حتى علا شأنه ووصل لما هو فيه , ولم يخطر ببالها ولم تتخيل أن تأتي إنسانة فجأة وتهدم كل التي قامت ببنائه . لذلك لابد على الزوجة الثانية أن تقدر مشاعر الزوجة الأولى , وتحترم معاناتها .

علي كل حال ,  بغض النظر عن ظروف الزواج الثاني دا , لكن في تفاصيل غايبة كتير , منها هو ايه دافع الزوج دا للزواج الثاني , و هل العلاقة بينه و بين زوجته الاولي كانت تستدعي دا 

واضح ان ظروف السن هي اللي دفعتك لقبول دور الزوجة الثانية , و هو كان شايف دا و علقك بيه و بعد ما نفسيته هديت نتيجة ظروف هو بيمر بيها مع زوجته الاولي , بدأ يتعود عليكي و ينفر منك و يتأفف من مطالباتك ليه بالاهتمام بيكي و بمراعاة حقوقك النفسية.

اعتقد انك هتعاني كتير مع الزوج دا , لانه واضح انه شخص غير مسئول و لا يراعي غير انانيته و بس و لو علي حساب من حوله , و الامور مستقبلا هتكون معتمدة بشكل كبير علي موقف زوجته لما تعرف بالامر دا و دا هايحسم كتير في مصيرك معاه 
قرارك بالاستمرار من عدمه مرتبط ايضا بقدرتك علي التعايش مع هذا الامر و بتفهمك لطبيعة هذه الخطوة بحياتك و كم المخاطر و الاثار السلبية المحيطة بها و الصراعات قد تنجم عن هذه العلاقة ثلاثية الابعاد.

ليست هناك تعليقات

إرسال تعليق