بعد ما علقتني بيها ضحكت عليا واتخطبت لواحد تاني
السلام عليكم ورحمه الله وبركاته
من فترة انا اتعرفت ع بنت من موقع زواج أطباء تقريبا كدة من شهرين ونص , واتقابلنا برة بعلم والدتها مرتين , و بصراحة كدة انا من البدايه مكانتش مرتاح اوى للحوار دا بس قلت نتقابل جايز يحصل ارتياح بينا مع الوقت
ومن كتر اهتمامها بيا وكدة والزن الكتير انى اروح لها البيت و تقدم للخطوبة , دة خلانى افكر تانى واروح البيت لانى صدقتها وكانت بتعيط ليا عشان شكلها قدام أهلها انى قابلتها مرتين ولسة ماروحتش البيت عشان اتقدم ،المهم انا اتصلت بوالدتها وروحتلهم البيت انا ووالدتى , الكلام دا كان قبل العيد ب 10 ايام واتفقنا أني بعد العيد هاخد والدى ونروح نتفق
المهم من حوالي أسبوع كدة بعد ما الظروف بقت تمام اتصلت بوالدتها عشان احدد ميعاد اروح لهم فيه انا و أهلي , واتفاجئت بردها عليا ان ابن عمها وصل من امريكا وجاب أهله كلهم وهايقروا الفاتحة في نفس اليوم.
دة كله وانا بكلم البنت وماكنتش معرفانى حاجة ولما واجهتها قالت انت اللى اتاخرت عليها وامجتش اخطبها زى ما اتفقنا, لكن بعدها بيوم لقيتها بتكلمني و قالت لي انها هتبوظ الموضوع بس تيجى ومتخذلنيش تانى, قلت لها تمام اتفقنا
بعدها بيوم تاني , بتصل بيها عشان اعرف عملت ايه. قالت إنها نزلت هي و امها مع العريس و جابت الدهب وهى حاولت ترفض وماعرفتش
اللى مضايقنى دلوقتى و مخليني مستغرب بصراحة , هل حقيقى أن حد ييجى من
السفر فجأة كدة وكمان يجيب أهله ويجيبو الدهب ويعملو الخطوبة كمان وكل دة في
اسبوع واحد ؟؟
ولا الموضوع مترتب من بدري ؟ مع أنه 35 سنة وهى 27 وهو كلية تجارة وهى طب
بشرى
هل هي كدة بصت للفلوس وكلامها معايا طول الفترة دى ماكنش حقيقى وكان
كله كدب ماسكة العصاية من النص ؟
انا بس مصدوم انى صدقتها ويطلع منها كل دة , و هي مبررها أن قريبها
مافيهوش اى غلطة ترفضه عشانها, مع العلم أن اخوه متجوز اختها الكبيرة
يعنى في صلة نسب غير القرابة اللي بينهم.
انا مضايق جدا ودة مأثر ع نفسيتى
وخلانى أقصر ف شغلى
ولا احمد ربنا أنه نجانى منها ومن أهلها !!
فيديو هام بعنوان:
101 سر لازم تعرفهم قبل ما تاخد خطوة الجواز و الا ماتتجوزش
تعليقي علي المشكلة
في البداية انت لازم تحمد ربنا ان هذه الزيجة لم تتم , فمن البداية انت لا تشعر بالاقتناع او الانجذاب اليها , و اصرارها الزائد هو ما يدفعك لاستكمال هذا الامر , فموقفك من البداية غير واضح و محدد و هذا يجعل من الصعب عليك ان تعيش علاقة زوجية سعيدة , وانت غير مطمئن لاختيارك
من ناحية اخري , واضح جدا ان البنت تبحث عن عريس فقط بشتي الطرق , و لا يعنيها طريقة التعارف او كيفية تطور العلاقة بقدر ماهو بحث مستميت عن فرصة زواج , و بالتالي كانت تتعامل معك علي انك احدي فرصها من اجل الزواج , ذللك كانت تتعامل بمنطق " مسك العصا من النصف " و الاجهز هو من يفوز بها
هي لم تكتن صادقة معك مذن البداية , و انت كنت قليل الخبرة في اسكشاف الامر و موقفك منها كان بذبذب و هو ما تسبب فيما حدث بينكما
علي كل حال , لو كان خيرا لبقي و دام , قدر الله و ما شاء فعل , فكر في ما هو قادم و تعلم جديا كيف تختار شريكة حياتك , و ما هي احتياجاتك العاطفية و النفسية من علاقة الزواج حتي تكن اكثر وضوحا مع ذاتك في مسألة اختيار شريك الحياة , حتي لا تتعرض لتعثر اخر يصيبك بالاحباط و الاذي
انصحك أيضا بمشاهدة الفيديو التالي اللي هيساعدك بشكل كبير في مسألة اختيار شريك الحياة
شاهد أيضا الفيديو التالي:
6 معايير لا يجب تجاهلها عند اختيار شريك الحياة المناسب
قرأت ان والدك اجرئ عملية ف اليوم المفترض للخطوبة
ردحذفسبحان الله كله خير اخي العزيز.
حمدا لله الذي انجاك منها ولا تشغل بالك ابدا بطرقة تفكيرها او لماذا فعلت كل ذلك هي لا تسستحق ابدااا
ايا من ذلك... كل التوفيق لك
أسعدني مرورك
حذف