7 علامات تؤكد ان المرأة لم تعد تحبك

7 علامات تؤكد ان المرأة لم تعد تحبك

7 علامات تؤكد ان المرأة لم تعد تحبك

7 علامات تؤكد ان المرأة لم تعد تحبك

في فيلم اسمه The other woman
بيحكي حكاية راجل بيخبي انه متجوز عشان يوقع الستات في حبه
بشكل ما الزوجة اتعرفت علي بنتين من اللي اتغشوا في جوزها , و اكتشفوا التلاتة  حقيقة الزوج الخائن المخادع
و بعدها قرر البنتين مساعدة الزوجة المخدوعة انها تاخد حقها منه و تعاقبه علي خيانته ليها و غشه للستات

المهم انه في وسط الخطة المرسومة,  الزوجة دي في ساعة صفا و بكلمتين حلوين من الزوج الغشاش,  ضعفت في لحظة و حنت لتفاصيل صغيرة فكرتها بأيامها الحلوة مع جوزها الخائن دا
فقررت انها ممكن تسامحه ,  بحجة ان كل الناس بتغلط , و امتنعت عن تنفيذ باقي الخطة مع البنتين التانيين

لحد ما في يوم اكتشفت اللي اكتر من مجرد خيانته لها,  اكتشفت انه شخص مخادع و مورطها في مشاكل مالية كبيرة نتيجة خيبتها التقيلة و ثقتها العمياء فيه
ف قررت من  تاني انها تفوق و تلحق روحها و تنفذ خطة عقاب الزوج و حماية روحها من السجن

و طبعا كانت علامة التحرر في المشهد اللي  كانت وافقة  فيه لوحدها قدام البحر , و قررت بكل شجاعة انها تقلع خاتم جوازها و ترميه في البحر

 و دا كان بيرمز لانها خلاص اتحررت من تاثير كدبه عليها و ضعفها قدام كلامه و خيانته المستمرة

في  حاجات الست لو بدأت تعملهم معاك لازم تقلق جدا , لان التصرفات دي دليل ان الست بطلت تحبك و انك فقدت مكانك في قلبها بلا رجعة, الحاجات دي مؤشر انها فقدت كل ثقتها فيك و خسرت كل رهاناتها علي حماية حبها ليك
خليك راجل ذكي و اجعل من اهتمامك بمشاعرها صمام امان يخليك قادر تتابع و تحمي مكانك في قلب الست اللي معاك

في السطور التالية هقولك علي 7 تصرفات احذر انك توصل الست اليهم:

1. لما تبطل تنكشك و تصدعك بحواديتها البسيطة ..
2. لما تحس انها بطلت تتضايق أو تعاتبك علي اي حاجة تزعلها منك
3. لما تلاقي ضحكتها الي كانت مجلجلة في البيت اتحولت لابتسامة باهتة بتطلع مجاملة او بطلت تضحك من قلبها علي النكت اللي كنت بتقولها لها زمان و بقت يادوب بتبتسم بالعافية
4. لما تاخد منك جنب و كل ما تبص لها تلاقي دموع متحجرة في عنيها بس برضه مش بتتكلم او تطلع اللي جواها زي زمان
5. لما تلاقيها بقت علي طول ساكتة.. حتي مشاكل البيت بطلت تحكي عنها قدامك
6. لما تلاقيها بطلت تزن عشان تسمع منك كلمة حلوة او كلمة بحبك
7. لما تلاقيها بطلت تستني رجوعك للبيت بلهفة وشوق و بقت تنشغل باي حاجة تانية

مقال هام جدا لك:

7 تصرفات خاطئة لا تحبها المراة من الرجل

الست لما بتعمل كده بتبقي جابت آخرها..
بتبقي حاجات كتيرة حلوة جواها انكسرت..
بتبقي اتعودت علي الوجع ...
يبقي الشمعة الي جواها انطفت
بقي وجودك في حياتها زي عدمه
بقت خلاص بطلت تصدقك لو طول الوقت عمال تكدب عليها 
بطلت تصدق وعودك عليها عشان خلاص الغشاوة اتشالت من علي عينيها و عقلها نور 

ستات كتير رغم تعرضهم  الخيانة و الغش بيجي عليهم لحظة بيكونوا فعلا عايزين يسامحوا و يغفروا
لسة جواهم حتة حب و وفاء للعشرة و السنين
جواهم رهان و تعلق رهيب انه لسة في فرصة , في أمل 
أمل بتخليهم عايزين يتجاوزوا احزانهم و يعبروا فوق سور كبريائهم
و بيدوروا علي اي شارة ..اي طاقة نور... اي محاولة جادة.. تمنحهم بداية جديدة

بس للاسف كتير من الازواج الخاينين او الكدابيين دول بيكونوا متطمنين بزيادة و غرورهم بيمنعهم من انهم حتي يحاولوا يصلحوا الي كسروه قبل فوات الاوان
عشان الست لما بتفوق و تعدي مرحلة الصدمة و الانكار و من بعدها التوهان بتكون خلاص فاقت و اتحررت و بيكون صعب جداااا انك تصلح الي اتكسر جواها
لانها خلاص بتكون جمعته كله و رمته في البحر

اوعي تقف تتفرج علي الوردة و هي بتبدل ..
اوعي مشاغلك و اهمالك ليها او كدبك المستمر عليها  ياخدك بعيد عنها في سكة اخرها ضلمة

عشان الست ممكن تسامح 1000 مرة بس لو وصلت لاخر مرة صعب تعرف ترجعها تاني
عشان كدة اوعاك تقع في فخ الضمان او تدي الامان المطلق لقدرتها الرهيبة علي التسامح و النسيان
الست اصلا مش بتعرف تنسي , هي بس بتفوت و تعدي و تسحب من رصيدك عالمشكوف , يمكن تفوق و تلحق اللي فاضل ليك قبل فوات الاوان

فبراير 11, 2021 0

كيف اتعامل مع اهمال زوجي لي؟

كيف اتعامل مع اهمال زوجي لي؟

كيف اتعامل مع اهمال زوجي لي؟

كيف اتعامل مع اهمال زوجي لي؟

انا جوزي مهملني ومش قادر يهتم بيا ولا يديني وقت خالص وبيننا مشاكل كبيره بسبب الموضوع دا ..
علطول مشغووول ونافر من البيت وبيهرب..وانا عندي طفلين وشايله كل شي لوحدي ..

هو بيقوم بواجباته الماديه تجاهنا لكن معنويا مفيش ..مفيش بينا كيميا ولا تفاهم ومختلفين وهو دا السبب الرئيسي
تعبت ونفسي الاقي حل , وجربت كل حاجه و برده مفيش فايدة
علي طول متضايقه بسببه ولما اتكلم معاه في حقي .. بنتخانق و يقولي انتي ضاغطه عليا وملاحقاني , وانه بيعند وينفر اكتر بالاسلوب دا ..

للأسف ولا راضي يسيبني ولا راضي يعيش معايا عدل , لحد ما كل واحد فينا بقي في وادي, ومحدش فينا طول اليوم بيعرف حاجه عن التاني
اعمل ايه؟

الرد علي الرسالة :

شوفي يا سيدتي الفاضلة

مشكلة حضرتك هي حال ازواج و زوجات كتير , مفتقدين لبوصلة التفاهم و السعادة مع بعض , و العلاقة بينهم عبارة عن صراع او كر و فر و احيانا كتير بتتحول الي علاقة روتينة مملة بين اتنين موظفين بدرجة زوجين
لدرجة انه بعد فترة من الجواز بتحس انك غريب عن الشخص الي انت عايش معاه تحت سقف واحد
مفيش بينكم لغة مشتركة و التواصل بينكم بقي صعب
قاعدين جنب بعض و بينكم ١٠٠٠ حاجز
مفيش حاجة بقي ليها طعم
بقيتوا مجرد موظفين برتبة زوجين
كدة كدة الحياة ماشية و كدة كدة الشغل و البيت و العيال موجودين
بس في حاجة ناقصة
الحياة ميري اوي..جد اوي.. خالية من التعبير والمودة المعلنة
خالية من الكلمة الحلوة
كلمة الشكر .كلمة التقدير .كلمة الحب .كلمة اﻻعجاب . كلمة المساندة
حتي ادق تفاصيل العﻻقة بتتم بشكل روتيني في الضلمة ..كتيمي من غير كلمة حلوة و ﻻ تعبير عن الاستمتاع و الاعجاب.من غير ما تقول "الله"

انا بس عاوز اوجه رسالتين - الاولي ليكي و الثاتنية  الي زوجك:

الرسالة الاولي ليكي و لكل زوجة تعاني من اهمال الزوج لها :

حاولي تراجعي شوية الطريقة اللي بتعبري بيها عن احتياجاتك و الاسلوب اللي بتتواصلي بيه مع زوجك
مش يمكن طريقتك في الكلام تكون سبب في ضياع حقك؟
مش يمكن اسلوبك في الرد عليه او في عرض مشكلتك سبب في زيادة المشاكل
مش برمي عليكي الغلط و لا بحملك مسئولية خلافاتكم
و لكن جايز لو عرفتي تحلي مشكلتك يكون دا سبب في مزيد من القرب بينكم
الردود الناشفة و الندية و جو ابلة الناظرة دا عمره ما يكون سبب في سعادتك
عشان ليس الذكر كالانثي - زي ما الست ليها دخلة و اسلوب لكسب قلبها
الراجل برده ليه دخلة و اسلوب لكسب قلبه
بعيدا عن جو رمي الاتهامات علي بعض
و دفن الرؤس في الرمال , مهم نعرف الغلط فين عشان نصلحه
اعتبريها نصيحة اب او اخ كبير عايز مصلحتك و بيكلمك من قلبه لوجه الله
و لو لو مهتمة تطوري نفسك و تصلحي بعش الاخطاء الكارثية في ردك , بدون ما احساس الضحية يغلب عليكي

عايزك تشوفي الاخطاء التسعة في التعامل مع الرجل الي موجودين في المقال التالي

9 صفات لا يحبها الرجل في المراة

رسالة الي زوجك و كل زوج غير مستقر في العلاقة الزوجية :

يا ما ناس كتير عايشة مع بعض تحت سقف واحد عشان السنين تعدي من غير احساس و لا مودة .

زي المطلقين بالظبط بس في روابط اقوي مخلية العلاقة مستمرة
المشكلة في النوع الي مش قادر يستحمل
في رجالة كتير عاملين مش واخدين بالهم او واخدين بالهم و مش عارفين يتصرفوا

اوعي تفتكر ان جريك علي اكل العيش فقط هيشفع اهمالك ليها او هيعوضها عن احيتاجات تانية
من ضمن الحاجات الاساسية للانسان-الحاجة للتقدير-
يعني الاهتمام و الكلمة الحلوة
اهمال مشاعر الزوجة و تجاهلها و الانشغال عنها

البخل عليها بالكلمة الحلوة و التقدير لتعبها
تجاهل اشعارها بانوثتها و تدليلها
بتتكسف بقي ..متكبر..مستخسر..مش عارف..مشغول
النتيجة واحدة
في بيتك قنبلة مشاعر موقوتة..سهل العبث بها و تفجيرها قد تنفجر بوجهك في اي وقت

جوع المشاعر اصعب من جوع البطون
الاهمال هو السوسة الي بتاكل اركان اي بيت بالبطئ هي اﻻهمال
اﻻهمال مش شرط يكون متعمد
اﻻهمال ملوش مواعيد و ﻻ مدة محددة

وعلي العكس

الاهتمام مش مكلف و اﻻ محتاج تفرغ
اﻻهتمام ممكن يكون بكلمة حلوة او موقف تقدير لطيف
اﻻهتمام انك تحس بوجعه و فرحه و تبقي جنبه
اﻻهتمام انك تعمل حاجة بيحبها شريكك من غير ما يطلب
اﻻهتمام انك وسط مشاغلك الكتير تفتكر شريك حياتك و تسأل عليه و لو دقيقة أو بكلمة
و خد بالك

الكلمة الحلوة هي الماء الي بيروي ارواحنا زي الشجرة الي بتكبر و تفرع و ضلها يغطي الكل
الكلمة الحلوة بتتقال في كل وقت و في اي مكان من غير خوف وﻻ كسوف
الكلمة الحلوة بتتقال بثقة.من القلب ..مش بتتشحت وﻻ تتشد من البق عافية او محايلة او سد خانة
الكلمة الحلوة بتبان علي الوش و في نبرة الصوت .بتتحس
الكلمة الحلوة بتصبر . بتقوي. بتسند. بتداوي

بلاش نبخل علي بعض بالكلمة الحلوة..... بلاش نأجل الكلمة الحلوة
خليها تتقال في وقتها قبل ما تبرد و تفقد قيمتها و طعمه

المقال التالي يهمك جدا:

6 أشياء تريدها المراة من الرجل 

الخلاصة:  ان الاهتمام هو معاملة

ابتسامتك في وجهها ولتقول لها (تسلم إيديك) وهذا يكون أكبر كنز عندها في الدّنيا...
إتّقوا الله في نسائكم ... وعاملوهنّ كما تُحبّون أن تُعامل بناتكم ...
وكما أنَّ ابنتك غاليةٌ عليك، فإنّ زوجتك غالية أيضاً عند أبيها وكانت (أميرة) مُدلَّلة ببيت والدها ...
خذ بوصيّة حبيبك المُصطفى 'صلَّى الله عليه وآله وسلَّم': "أوصِيكم بالنِّساءِ خيراً،" وحين قال : "رِفْقاً بالقوَارِير"، وحين قال : "خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي". ...
اتّقوا الله لتسعدوا وتهنؤوا بحياتكم ... لا توجد حياة تعيسة ؛ ولكن يوجد من أتعسَ نفسه

فبراير 10, 2021 0

احب زوجتي و لا استطيع ترك حبيبتي

احب زوجتي و لا استطيع ترك حبيبتي

احب زوجتي و لا استطيع ترك حبيبتي

 انا متجوز من ١٢ سنه وبحب مراتي جدا وعندي منها ولدين ,

لكن للاسف  ظهرت في حياتي من سنتين واحده تانية ,  شدتني ليها و قررت اني مش هغلط وهتجوزها 

بس لو مراتي عرفت هتطلب الطلاق فورا ومستحيل تكمل , فكرت نتجوز في السر وهحاول اعدل بينهم

و برده حاولت ابعد عن التانيه ماعرفتش,  خصوصا انها معايا في الشغل وسكرتيرتي و صعب جدا استغني عنها لأن شغلي كله في ايديها ايه الحل

الرد:

شوف يا صديقي

صاحب باللين كداب , و محدش بياخد كل حاجة ,  فكر تحل مشاكلك الاول و تحسم امرك عشان انت كدة ظالم ناس تانية معاك

مفيش علاقة بتفضل علي وتيرة واحدة طول الوقت، اكيد في اوقات فتور و اوقات ملل بين الزوجين
لكن الناصح هو اللي ياخد باله و يحوط علي العلاقة بالبذل و الصبر و التقبل

من غير حوار بينك و بين مراتك عمر الامور ماهتتحسن بينكم
المهم يكون حوار إيجابي مخلص بنية صافية،مش بغرض التنصل من مسؤولياتك او تبادل الاتهامات

مراتك ممكن تكون قصرت في حقك او اتغيرت معاك , بس مايكونش ذنبها انك تغفلها او تعرف واحدة عليها في السر,

و لو سألناها هتلاقيك انت كمان مقصر في حقها و مسبب لها ألم كبير , لكن انت قصرت الطريق و سلكت السكة السهلة و جريت تدور علي كيفك و مزاجك و تخليت عن مسئولياتك بحماية بيتك من الخراب 

لو بتحب مراتك بجد , يبقي اقفل الباب التاني الموارب دا و اقعد مع مراتك و حلوا مشاكلكم و ابداوا صفحة جديدة مع بعض 

و اتعلم ازاي تحمي علاقتك بيها و تحافظ علي حبك ليها

تواصل مع شخص متخصص و خليه يساعدكم في رسم خريطة طريق جديدة لعلاقتكم مع بعض

او انك تكون راجل مسئول و شجاع , و تعترف لمراتك و تديها تسيب لها حق اتخاذ القرار المناسب 

و برده الست التانية اللي انت معلقها معاك دي , الله اعلم ظروفها ايه , ممكن تكون ظالمها معاك و معلقها بحكاية من تاليفك , رغم انها غلطت لما سمحت لروحها تدخل علاقة ضبابية زي دي

او بتدخلها معاك في علاقة و تدفعها فاتورة هي مش مسئولة عنها

السؤال المهم ليك

هل انت مستعد تتحمل عواقب الامر لو اتكشفت؟

هل لو مراتك طلبت الطلاق و رفضت الوضع دا , هاتكون راضي بالعقاب دا

ارجو ان القدر يمهلك الوقت الكافي عشان تحل مشكلتك قبل ما الامور تخرج عن السيطرة و يكون فات الاوان

تخلي ان الانانية و تصرف بمسؤولية

فيديو مقترح بعنوان:

لو جالك و قالك انا مش مبسوط مع مراتي و عايزك زوجة في الظل هاتوافقي؟

فبراير 05, 2021 3

10 نصائح لتحسين علاقتك بشريك حياتك (للنساء فقط )

10 نصائح لتحسين علاقتك بشريك حياتك (للنساء فقط )

10 نصائح لتحسين علاقتك بشريك حياتك (للنساء فقط )

10 نصائح لتحسين علاقتك بشريك حياتك (للنساء فقط )

الخلطة السحرية لتحسين علاقتك ب شريك حياتك

بعيدا عن النزعات النسوية القائمة علي تنميط المراة في دور الضحية المطلقة التي لا تخطئ , و تنميط الرجل في دور الشيطان الاعظم سبب كل المشاكل و الكوارث الزوجية

و سعيا منا لمد جسور التواصل بين القلوب , ليتحمل كل طرف مسئولياته تجاه تحسين العلاقة الزوجية

كان كلامي اليوم لكي ايتها الزوجة

عايزك قليلا تفكري بعقل بعيدا عن الضغط النفسي و العاطفي اللي بيعمي عنيكي عن الحقائق

مش يمكن طريقتك في الكلام تكون سبب في ضياع حقك؟

مش يمكن اسلوبك في الرد عليه او في عرض مشكلتك سبب في زيادة المشاكل

مش برمي عليكي الغلط و لا بحملك مسئولية خلافاتكم

 جايز لو عرفتي تحلي مشكلتك يكون دا سبب في مزيد من القرب بينكم

الردود الناشفة و الندية و جو ابلة الناظرة دا عمره ما يكون سبب في سعادتك

عشان ليس الذكر كالانثي - و زي ما الست ليها دخلة و اسلوب لكسب قلبها

الراجل برده ليه دخلة و اسلوب لكسب قلبه

بعيدا عن جو تبادل الاتهامات و دفن الرؤس في الرمال ,

مهم نعرف الغلط فين عشان نصلحه

اعتبريها نصيحة اب او اخ كبير عايز مصلحتك و بيكلمك من قلبه لوجه الله

في السطور التالية أهم 10 نصائح لتحسين علاقتك بشريك الحياة

أولا: ابتعدي عن انقاده و توجييه و توجيه اللوم له طوال الوقت:

لأن دا ممكن يسبب له احباط و يخليه يفقد الثقة في نفسه و في قدرته علي العطاء و هايتجنب اخد اي مبادرة كويسة تجاهك حتي لا يظهر بمظهر الضعيف و الفاشل أمامك و يكون مصيره النقد و التأنيب

ثانيا: اختاري الوقت المناسب اليي يكون مستعد فيه انه يسمع لك :

بلاش تختاري اللحظات الي بيكون فيها قافل علي روحه او فكره مشغول , لانه مش هايسمع لك و جايز ينفجر غضاب في وجهك 

كمان بلاش حكاية انت مش بتحبني ردا علي عدم استعداده للانصات اليكي , لان دا تصعيد للموقف اكثر - هو بيحبك بس مش جاهز نفسيا يسمع لك 

ثالثا: خليكي مباشرة و شجيعه طول الوقت:

حاولي تستخرجي طاقة الحب اللي جواه بدلا من الانتقاد والمقارنة و اللوم علي قلة الكلام اللي هي اصلا طبيعة ذكورية بحتة ,

الراجل يعشق تقديم الحلول ولا يفهم لغة اللف و الدوران و المراوغات الكلامية اللي من نوعية "ما انت لو مهتم كنت عرفت لوحدك "

رابعا: جمال الست مش في شكلها فقط:

خليكي أنثي ذكية تعرفي ازاي تستأثري بقلب جوزك , و بلاش تخليه يبحث عن احتياجاته بره البيت , لمجرد انك شايفة انه بيطلب حاجات عيب , أو ان مستواكي الفكري و الثقافي لا يسمح بذلك

الـمـرأة الجميلة تجذب الرجل لساعات , لكن المرأة الذكية تأسره مدى الحياة.

شاهدي الفيديو التالي:

 أهم حاجة لازم تعمليها عشان تكوني مبسوطة في زواجك

خامسا: الرجل يعشق التقدير :

الراجل يحب ان الست تطبطب عليه و تخفف عنه همومه و تشكره علي تعبه و تدعي له و تحسسه انها مقدرة تعبه و سعيه لاسعادها , زي ما بتشوف السلبيات , بتشوف النعم و بتظهرها و تشكره عليها 

سادسا: عبري له عن اعجابك:

حسسيه انه ضهرك و سندك و و أن له أولوية هامة بحياتك, و بلاش طول الوقت يشعر أنه مهمش او انه قليل في عينيكي و مقصر 

بلاش في كل حوار بينكم تعايريه بعيلتك الكبيرة او انك اتغصبتي علي جوازك .

سابعا: لو حصل بينكم خلاق:

بلاش تحطي الكبريت علي النار بالتهويل و اعطاء الامور أكبر من حجمها 

بلاش كلامك معاه طول الوقت يبقي بصيغة هجومية و اتهام عشان الامر لا يتحول الي حلبة مصارعة 

و لو انتي غلطانة مش عيب تقولي انا اسفة - حقك عليا -

العند و المكابرة خسارة ليكم انتوا الاتنين

أحياناً يكون من الأفضل أن تخرج خاسرًا من النقاش مع من تحب على أن تخسره هو؛ لتفوز بمجرد نقاش!

ثامنا: شاركيه في اهتماماته :

شجعيه علي تحقيق طموحاته , و وفري له الجو و الظروف اللي تساعده علي انه ينجح و حسسيه ان نجاحه هو نجاح ليكي - الدعم النفسي و المعنوي مهمين جدا 

ثقتك في قدراته علي النجاح و تشجيعك ليه عامل فارق في مشواره

تاسعا: خلي روحك خفيفة في البيت:

اجتهدي ان ابتسامتك تبقي منورة البيت و بلاش تقابليه طول الوقت بالغضب و الصراخ و تنقلي له التوتر و الضغوط اللي مسيطرة عليكي طول اليوم

اجتهدي انك تتحرري من ضغوط اليومية من خلال تنظيم الوقت و اهتمامك بنفسك و صحتك و تطوير وعيك و ثقافتك

نجاحك انك تسعدي روحك و تبقي عارفة تقدمي الدعم لنفسك ,خصوصا في غيابه , هايخفف من الضغوط عليكي و هايجعلك أقل ضغط عليه

فيديو يهمك جدا:

صفات المرأة اللي تقدر تاكل عقل الراجل و تحلي بقلبه

عاشرا: الحوار هو الحل:

سيبك من كلام امك و صاحبتك و نصائح جروب زوجات تعيسات, و خليكي ستر و غطا علي بيتك , حلي مشاكلك بالكلام معاه مش عنه , و حاولي مرة و عشرة و اجتهدي انك تتعلمي و تفهمي احتياجاته و لغة الحوار معاه لحد ما تنجحي 

مفيش اهم من سعادتك عشان تحاربي عشانها

يناير 01, 2021 0

6 أشياء تريدها المرأة من الرجل

6 أشياء تريدها المرأة من الرجل

6 أشياء تريدها المرأة من الرجل

6 أشياء تريدها المرأة من الرجل

ماذا تريد المرأة في الرجل؟

عزيزي الرجل

عيبة كبيرة في حقك لما مراتك تبقي عايشة معاك تحت سقف واحد و تقول " مش حاسة بالاشباع العاطفي " و نفسي "احس اني واحدة ست , محبوبة و متطمنة "

مش بالعافية و لا بالصوت العالي و لا بالغضب و لا انك تصدق تمثيلها عليك انها راضية عشان تمشي الدنيا من كتر اليأس و الاحباط
كبيرة اوي لما ماتبقاش " مالي عينيها " بس بتضطر بتمشي حالها

خدها نصيحة أخ كبير شاف و قابل كتير, من غير قمص و لا زعل
الراجل الناضج الجدع اللي بيراجع نفسه و يتعلم يراعي احتياجات أهل بيته من غير مكابرة و لا عناد

فيما يلي 6 أشياء رئيسية تبحث عنها المرأة في الرجل:

1 - تحب النساء الرجل الذي يجعلهن نشعرن بالأمان

هذا لا يعني أنك تقاتل رجلاً آخر من أجلها ، أو تخوض شجارًا لتظهر أنك مفتول العضلات.
فالامان هنا مفهوم شامل يشمل الامان المادي و العاطفي و النفسي

ان تلبي احتياجاتها بالشكل الذي يشبعها و يحميها من العوز او الشعور بالفقد و الاهمال
ان تشعر انها تستطيع التعبير لك عن ما يجول بخاطرها او ما تشعر به تجاهك , او ما يزعجها دون ان تخاف ردة فعلك او تخشي تجاهلك لها

الامان بالنسبة للمراة هو ان تطمئن بجانبك , تحب نفسها في جوارك

2- الصدق والثقة.

هذا لا يعني ان تنتزع منك رجولتك و شخصيتك القوية, ولكن عليك ان تبني جسورا من الثقة في علاقتك بها من خلال مصداقيتك و رصيدك المتزايد من الاحترام لكلمتك معها

بدون تلاعب او مراوغات او وعود زائفة , او كثرة الحلفان و التعهدات ثم تنكصها بالكذب او الخداع, اعتمادا علي حبها الزائد لك او احتياجها الشديد للحب
فيسأتي وقت ينفذ فيه رصيدك من التسامح و الغفران لديها , و عندما يفوت الاوان للاصلاح تكن العودة شبه مستحيلة

فالثقة مثل البناء الشاهق , يبني في شهور و سنوات لكن يهدم في لحظات

شاهد الفيديو التالي بعنوان👇👇

اسهل طريقه تكره المرأة فيك و تنفرها منك

 

3- أن تشعر باهميتها بالنسبة لك.

إذا كنت في علاقة ، فإنها تريد أن تشعر بأنها الأولى بحياتك

تريد النساء أن يشعرن أنهن رقم واحد. إذا تمكن جميع الرجال من القيام بذلك بشكل صحيح ، فسيكون الكثير من النساء سعداء. أخبرها وأظهر لها أنك تحبها.

يمكنك القيام بذلك عن طريق إشراكها في جوانب من حياتك ، مثل العمل وأصدقائك وعائلتك. أنت لا تخبرها فقط ، ولكنك تُظهر ذلك أيضًا. إنها تشعر بأهميتها عندما تقوم بجعلها أولوية في حياتك

هذه مجرد طرق بسيطة لكونك رجل نبيل تظهر لها أنك موجود من أجلها وترغب في المساعدة

• اعرض عليها مساعدتها في بعض أعمال المنزل عندما تجدها متعبة او مضغوطة
• امدحها أمام الابناء و الاهل و الاصدقاء
• فاجئها بالاشياء التي تسعدها من هدايا او انواع من الطعام او الاماكن المحببة لديها

مقال قد يهمك:

7 تصرفات خاطئة لا تحبها المراة من الرجل

4 – الانصات اليها

التواصل الجيد هو المفتاح السحري لقلب المرأة, تريد النساء أن يُسمعن. يريدن منك التواصل معهم باهتمام
لا تعود إلى المنزل ثم تنعزل عنها أمام التلفزيون او الموبايل ، ثم يصبح تواصلك معها فقط بشأن الأولاد او "ماذا على العشاء؟"

امنحها بعض الوقت بعد عودتك الي المنزل. حتى لو كان لديك يوم حافل ولا تريد التحدث ، خذ قسطا من الراحة , ثم اذهب و اظهر لها انك مستعد لتستمع اليها , عانقها وقبلها وأخبرها أنك تحبها. أخبرها أنك مررت بيوم عصيب وأنت سعيد برؤيتها. هذه هي الأشياء التي ستتذكرها.

الاشباع العاطفي مفتاح ذهبي يساعد المرأة في التواصل بشكل أفضل مع جانبها الانثوي , و التحرر من الضغوط , خاصة في الاوقات التي تشعر فيها بالحاجة الي مزيد من القرب اليك و التحدث معك,

ارجوك , لا تتجاهلها او تعبر عن تأففك من أحاديثها التافهة و المملة او تلجأ لمقاطعتها و استعراض مهاراتك في التوجيه و التحليل , فهذا اخر ما رتيده المرأة منك

فقط كن مصنت جيدا , مستخدما حواسك و لغة جسد حميمة مهتمة

ماهو انت لو مش هاتسمع لها , هاتروح لمين؟
ان لم تروي زهرة  بيتك , قد يأتي من يرويها غيرك

5- المرأة تشعق الرجل الناضج

من فضلك لا تخبرها أنها جميلة مثل حبيبتك السابقة. لا تقارنها بنساء اخريات او تلاحقها بانتقاداتك المستمرة لجسدها و شكلها بحجة انك تدعمها لتكن احسن
، هذا دليل علي عدم النضج ، وليست دليل خفة دم او لطافة منك.

لا تتعامل مع اتصالها لتستنجد بك عندما تكن سيارتها معطلة في الشارع بتجاهل او تقل لها " اتصرفي انتي "

ايضا ، تبحث المرأة عن رجل يمكنه أن يعيلها, حتي و لو لديها مصدر دخل , فلا تكن هي معك في كافية او مطعم ثم تطلب منها ان تدفع لنفسها خاصة لو انك ميسر الحال , او ان الامر لا يتعلق بالتعاون المالي بينكما

هذا لا يتعلق دائمًا بالمال. هي تبحث عن رجل طموح و ناضج , يعرف يكف يشعرها برجولته و رعايته لها و يشعرها بقيمة ان تشعر بالضعف بجوراه

الراجل , راجل لأفعاله و حسن تصرفه  و مواقفه , مش بالصوت العالي و التهديد و الخناق , 
الاهتمام انك تجيد  الحضور وقت ماهي تحتاج لك و لا يصبح وجودك و العدم سواء 

شاهد الفيديو التالي:

7 تصرفات تعشقها المراة في الرجل

 

 

6- التفهم والتسامح

ستكون هناك أيام ترتكب فيها زوجتك أخطاء أو يكون من الصعب أن تكون في جوراك. بسبب انشغالها قليلا بالاولاد
لا أحد منا مثالي او بلا أخطاء. إنها تريد ان تشعر باستعدادك لتفهمها ومسامحتها. تذكر أنه لا توجد علاقة ، ولا سيما الزواج ، يمكن أن تدوم بدون تسامح

بدلا من ان تجلس بعيدا لتشتكي من اهمالها لك و لاحتياجاتك , او تذهب لتبحث عن شهواتك او احتياجاتك بعيدا عنها بحجة الاهمال و الانشغال ,  بادر بعرض المساعدة او تقديم الدعم المعنوي و النفسي لها
قربك منها يساعدها في ان تعود اليك سريعا

ايضا تفهمك للتقلبات الهرمونية التي تؤثر على مزاجها و تصرفاتها و جهدها أمر هام جدا بالنسبة لها. لذلك لا تسخر منها أو تقول إنها "مجنونة" او مقصرة , عندما تأتيها الدورة الشهرية أو عندما تكون حاملاً أو في سن اليأس. فقط كن متعاطفًا ومتفهمًا بدلاً من  الهجوم و النقد و السخرية.

لما تعرف انها في  فترة الحيض الشهرية و اللي بتعاني فيها الست من ارتفاع في ضغط الدم و انخفاض في الحرارة و ﺇﺣﺘﺒﺎﺱ ﺍﻻ‌ﻣﻼ‌ﺡ ﺑﺎﻟﺠﺴﻢ و ﺍﻟﺼﺪﺍﻉ ﻭﺿﻌﻒ ﺍﻻ‌ﻋﺼﺎﺏ و فقدان الشهية

لما تعرف أنها في ولادة العيلين الي انت مش طايق شقاوتهم شوية دول , علميا كانت بتعاني ثاني أقسى ألم في العالم فتأتي مباشره بعد الحرق حياً ومعدل الألم الطبيعي الذي يستطيع أن يتحمله الانسان 45 وحدة ألم...,
بينما المرأه عند الولادة تتحمل 57 وحدةَ ألم وهذا الألم يشبههَ أو يساوي ألم كسر 20 عظمة.

من لا يرحم لا يرحم

للتواصل حول الاستشارات الزوجية او استشارات العلاقات و تطوير الذات

يرجي الضغط علي الرابط التالي :

ارغب في حجز موعد لاستشارة

ديسمبر 28, 2020 2

6 أشياء يعشقها الرجل في المرأة

6 أشياء يعشقها الرجل في المرأة

6 أشياء يعشقها الرجل في المرأة

6 أشياء يعشقها الرجل في المرأة

عزيزتي المرأة
اكيد الحاجات الي بتعجب الراجل في الست زي شكلها و جسمها و سحر عيونها و ابتسامتها دي حاجات مهمة طبعا
و بعيدا عن حكاية ادعاء أن الرجالة كلهم شهوانيين و بيفكروا في الجنس فقط ,

رغم ان دي حاجة مش عيب ولا تهمة , لأن الجنس مفتاح مهم جدا للراجل في التعبير عن الحب و الشعور انه محبوب
و عشان اللي بيفهم بيريح و اللي بيعاند و يعمل فاهم هو الي بيخسر

في شوية تفاصيل مهمة جدا بتخلي الراجل يعشق الست أكتر
على سبيل المثال ،  يعشق الرجال  الشعور بإحساس بالمسؤولية تجاه رعاية زوجاتهم ماليًا ، حتى لو كانت تكسب مالا أكثر أو تشارك في دخل البيت

لذلك فان مزيدا من فهم احتياجات الرجل سيدعم موقفك في العلاقة معه و يجعلك أكثر قربا الي قلبه

في المقال التالي هكلمك عن : 6 أشياء يعشقها الرجل في المرأة

أولا : الإيمان بقدراته

يعتقد الكثير من الرجال أنه من المهم بالنسبة لهم حماية من يحبونهم وإعالتهم.
دعي زوجك يعرف أنك تؤمني بمواهبه ومهاراته وتدعميه. تشجيعك له هو الأكثر أهمية لديه من أي شخص.

أهم شيء يمكنك فعله هو جعل رجلك يشعر بأنه بالغ وليس طفلًا صغيرًا, كل تصرفاته خاطئة و تحاوطينه بالنقد و اللوم المستمر
تغيرات صغيرة في سلوكك تجاهه قد تطور الثقة بينكما وتعطيه إحساسًا بالمسؤولية في العلاقة.

ثانيا: التفهم

يريد الرجال أن يعرفوا أنك "تفهمينهم" وتشير الأبحاث إلى أن الشعور بالتفهم هو جزء مهم من العلاقة الجيدة.
فالرجال بطبيعتهم غالبًا ما يكونون أكثر منطقية ويحبون حل المشكلة. علي عكس النساء الأكثر عاطفية عمومًا و الاكثر اتصالا بمشاعرهن.

إحدى الطرق التي يمكنك من خلالها تعزيز التفهم بينكما هي الالتزام بالتحدث يوميًا معًا. 

التزما سويا بحوار يومي حيث تستغرق 20 دقيقة لطرح أسئلة إيجابية على بعضكما البعض. يمكن أن يشمل ذلك أشياء حول ما يجذبكما إلى بعضكما البعض ، أو التاريخ المفضل  لكما معًا ، أو ما هي الاشياء و الأماكن المفضلة لشريكك.

ثالثا : التقدير والتأكيد

يحب معظم الرجال أن يربتوا على ظهورهم. إحدى طرق القيام بذلك هي مدح زوجك كثيرًا. لكن احذري من المبالغة في القيام بذلك ، تأكدي من أنه تصرف حقيقي و احرصي علي القيام به من وقت لاخر

قومي بأشياء بسيطة مثل:

• قبليه وأخبريه أنك  معجبة به حقًا كشخص.
• دعي زوجك يعرف أنك تقدري مدى صعوبة عمله.
• أخبري زوجك بمدى وسامته في هذا القميص.
• اشكريه على الطريقة التي يعتني بها بالعائلة.

رابعا: التقبل

نريد جميعًا أن يتم قبولنا على ما نحن عليه ولا نريد أن يحاول الآخرون تغييرنا. غالبًا ما يتألم الرجال ويغضبون عندما تحاول زوجاتهم تغييرهم على وجه الخصوص. إذا كان الأمر يتعلق بصحتهم وسلامتهم ، فهذا مفهوم ، لكن عندما يصل الأمر للرغبة في تغيير الخصائص الشخصية , سيبدي الرجل مقاومة شديدة.

يمكنك إظهار مدى تقبلك لزوجك كما هو الآن من خلال:

• الالتزام بالموافقة على الاختلاف في الحجج.
• الشعور بالراحة مع فكرة الاختلاف عن شريك حياتك.
• تعلم كيف نقبل أنفسنا حتى نتمكن من قبول أزواجنا.
• تعلم ثقافة الحوار الايجابي و فن الرد عندما يتعلق الأمر بأنشطة أو آراء أو سياسات مختلفة.
• رؤية عيوبه وحبه على أي حال دون التأفف منها او الشكوي المستمرة

في الفيديو التالي:

سر غامض يجعل الرجل يعشقك و يري فيكي كل نساء العالم

 

  خامسا : عدم الزن و الثرثرة

إذا كان زوجك متعبًا ، أو منخرطًا في مشروع ما ، أو لم يكن مستعدًا للدردشة بشكل عام ، فلا تدفعيه اليها.

يمكن للمرأة أن تكون ثرثارة بشكل خاص في بعض الأحيان ، لذلك من المهم تخصيص وقت للتحدث مع زوجك. فكري في التعبير عن نفسك بطرق إضافية لأصدقائك وأفراد عائلتك الآخرين ، أو من خلال طرق بديلة مثل الفن والصحف والمنتديات عبر الإنترنت

سر في ودنك

عليكي ان تجعلي الرجل أحد مصادر سعادتك و ليس كل سعادتك , فهذا يحميكي من الشعور الدائم بالفقد و الاحتياج , و من ناحية اخري يخفف الضغط علي الرجل من انه مطارد و متهم بالتقصير

أنتي بالتأكيد لا تريدي علاقة لا تتحدثين فيها أبدًا. فالتواصل مهم ، لكن عندما تريدي حقًا الدردشة والحصول على الدعم العاطفي ، تحققي منه لمعرفة ما إذا كان مستعدًا لذلك. فإذا كان مشغولًا ، فقد تحتاجين إلى تحديد  الوقت المناسب له حتي يكون اكثر انتباها و انصاتا حتى يكن تواصلكما اكثر ايجابية و حميمية .

فالمراة ترغب في مزيد من الدعم العاطفي بالتعبير مع مشاعرها حتي تستعيد التواصل مع جانبها الانثوي
و الرجل يرغب في ان يشعر بانه ليس متهما او مطاردا حتي يصبح اكثر قدرة علي الانصات اليكي , وبالتالي شعورك بالسعادة سوف يساعده في التواصل مع جانبه الذكوري

مقال قد يهمك جدا:

9 صفات لا يحبها الرجل في المراة

سادسا : الاحترام

من أفضل الطرق التي يمكن للزوجة أن تظهر بها لزوجها أنها تحبه وتحترمه هي من خلال الاستماع إليه بنشاط عندما يتحدث ، وعدم مقاطعته. 

يمكنك أيضًا إظهار الاحترام من خلال:

• تجنب الإدلاء بأي تعليقات سلبية حول أفكاره وآرائه.
• مراعاة خططه القادمة.
• أن تكوني إيجابيًة و ممتنة ومراعيًة لرغباته واحتياجاته.
• استخدام لغة جسد تعبر عن الاحترام بعيدا عن نبرات الصوت و الاشارات و ايماءات العين التي تعبر عن الاستخفاف به او التقليل مما يقوله

في النهاية:

الراجل ينجذب للمراة الذكية , اللبقة , و ينفر من المرأة الضعيفة المتنازلة , حتي و ان طلب منك ذلك , فهو دائم البحث عن الاثارة و الشغف , و تنازلاتك المستمرة و حصارك الدائم له يفقده شعفه بك و يجعله ينفر منك 

كوني له صديقة و عشيقة , لا أما و مديرة تحاصره بالنقد و اللوم و التوجيه

التحدي الكبير بالنسبة لكي هو انك وسط كل ما يحيط بك من ضغوط و مسئوليات 

• لا تنسي نفسك و اهتمامك بها 
• لا تنسي تدعيم ثقتك بنفسك و احترامك لها 
• لا تنغلقي علي الرجل و تجعلي منه كل حياتك فتمر بكي السنوات لتشعري بالفقد و الوحدة
• لا تنسي ان العالم سيعاملكي بالطريقة التي تعاملين بها روحك , فاحسني معاملتها

في الفيديو التالي:

صفات المراة اللي تقدر تاكل عقل الراجل و تحلي بقلبه

ديسمبر 27, 2020 0