‏إظهار الرسائل ذات التسميات مقالات. إظهار كافة الرسائل
‏إظهار الرسائل ذات التسميات مقالات. إظهار كافة الرسائل

في اليوم العالمي للمرأة - 6 نصائح تجعلك امراة سعيدة

في اليوم العالمي للمرأة - 6 نصائح تجعلك امراة سعيدة

في اليوم العالمي للمرأة - 6 نصائح تجعلك امراة سعيدة


في اليوم العالمي للمرأة - 6 نصائح تجعلك امراة سعيدة


بمناسبة اليوم العالمي للمرأة كان لزاما علي ان اتوجه للمرأة في كل ربوع الارض بالتهنئة و التحية و التقدير لما تقدمه من بذل و عطاء و دعم لكل من حولها , و كان حقا علي ان اقدم لها بعض النصائح التي تمنحها السعادة كما اعتادت هي دائما ان تكون مصدرا للسعادة لكل من تحبهم 
لذلك في المقال التالي اقدم  لكي :

6 نصائح تجعلك امراة سعيدة :


1. تذوقي اللحظات السعيدة

لا تتركي نفسك , فريسة  سهلة للضغوط و التوترات تستهلك مشاعرك و طاقتك  و بدلا  من القلق طوال الوقت بشأن الغد و ما سيكون، حاولي الاستمتاع باللحظات السعيدة والمشاعر والأحاسيس الجميلة. القلق لن يفعل شيئًا سوي انه سيأخد من رصيد سعادتك.

الدكتور فريد براينت من جامعة لويولا في شيكاغو خبير في هذا الموضوع ، وكتابه المسمى "التذوق: قدم نموذج جديد للتجربة الإيجابية" يستحق القراءة. لماذا لا نحاول إطالة المتعة على بعض مما يلي:

  • - استمتعي برائحة وطعم القهوة أو الأشياء الأخرى التي تأكليها وتشربيها. 
  • - يساعد إيقاف تشغيل الأجهزة والتلفزيون في الاستمتاع بالحياة الحقيقية.
  • - ركزي على هنا والآن.
  • - لاحظي ما يمكنك أن تكوني ممتنًة له.
  • - انغمسي في الذكريات السارة.
  • - استمتعي و افخري بلحظات تحقيقك لهدف صغير اليوم.

لماذا نفعل كل شئ في عجلة و ارتباك,  حتي لحظات المتعة اصبحنا نعيشها لحظية عابرة مرتبكة , دون تذوق او استمتاع ( الصلاة- الأكل - المشروب المفضل ) كل شئ يتم بسرعة بلا طمأنينة
ان  تذوق و الاستمتاع باللحظات السعيدة والممتعة يضع المخاوف في مكانها و حجمها " فما يقلقك ، سيصبح سيدك."


2. ممارسة الرياضة

ليست هناك حاجة لسرد جميع الفوائد الصحية للتمارين الرياضية المنتظمة هنا. لكن هل تعلمين أن التمرينات يمكن أن تمنع الاكتئاب وفي بعض الحالات تعمل بشكل أفضل من مضادات الاكتئاب؟ تظهر الدراسة بعد الدراسة كيف يتم إطلاق الإندورفين (الملقب غالبًا بهرمون السعادة) في الدماغ بعد أي نوع من التمارين علي تحسن المزاج و خلق شعور عام بالسعادة. لا تفوّتي هذا المنشط الرائع. اختاري رياضة تحبينها حقًا و مارسيها في الوقت المناسب لكي  علي مدار اليوم  وستحصلي على جرعة من السعادة بشكل منتظم.

في النهاية : لن تتمكني من مواصلة رحلة عطاءك او مسيرة رسالتك دون ان تعتني بصحتك و تحافظي علي نفسك بافضل حال و هذا لن يتحقق و انتي تعاني من الامراض النفسية و الجسدية و الناتجة عن الضغوط و المشاكل اليومية 


3. القراءة تساعدك على الحلم

يمكن للقراءة أن ترفع من مستوي وعيك، وتساعدك على التخيل ، وتأخذك إلى أماكن الشغف .

لا تجعلي كل همك في شئون البيت و و رعاية الابناء و  الخلافات مع الزوج ,  دون ان تقدمي لعقلك و لو جرعة من الوعي و لو لدقائق بسيطة , و لا تتعللي بالانشغال , فما تضيعيه امام الموبايل علي صفحات التواصل الاجتماعي يساوي سنوات من عمرك لكن بلا فائدة 

 ضعي قائمة بالكتب التي تساعدتك في الوصول إلى أهدافك في القراءة. و احرصي علي المداومة علي القراءة باي قدر يناسب ظروف حياتك ’ لكن لا تهجري القراءة , فهي النور الذي يضيئ عتمة حياتك و المرشد لكي في رحلة حياتك بما تمنحكي اياه من وعي و تنوير و خبرة.

القراءة تجعلك امرأة  متطلعة و متطورة , امراة صاحبة فكر و رأي ,الجميع ينظر اليكي باعجاب و ينصت اليكي بتركيز لما لديكي من معلومات و افكار تستحق التأمل 


4. بناء احترامك لذاتك

هل تعلمي أن هناك جزءًا من الدماغ ، القشرة الحزامية الأمامية ، تنشط بشكل خاص في توليد كل تلك الأفكار السلبية وكل تلك الشكوك حول جمالك ومواهبك وذكائك؟ هذا الجزء من الدماغ عند النساء هو في الواقع أكبر من الرجال! لذلك قد يكون هناك تفسير عصبي لكل تلك الشكوك التي تقوض احترامك لذاتك.

تميل الافكار السلبية التي ورثتيها في مرحلة الطفولة إلى هدم ثقتك بنفسك و التقليل من قيمة ذاتك وينتهي بك الأمر إلى مواجهة مشاكل في بناء احترامك لذاتك. أفضل طريقة لمكافحة كل هذا الشعور , هو البدء في تتبع قصص الملهمات و القراءة عن البطلات اللواتي تركن بصماتهن رغم كل الصعاب. بمرور الوقت ، يمكنك تغييري طريقة تفكيرك السلبية والبدء في الشعور بالمميزات و جوانب التفرد التي تمتلكينها ر. يمكنك تجاهل ما تخبرك به المجلات عن المثالية و اهتمي بتدعيم تقتك بنفسك

ثتقك بنفسك و احترامك لذاتك تنبع من داخلك . و ليس من نظرة الاخرين لكي , فالناس تعاملك كما تعاملين روحك

5- تواجدي وسط الأشخاص السعداء:

صحيح أن بيئتك من حولك يمكن أن تجعلك ما أنت عليه. لكنها تعلمي أنك إذا كنت دائمًا مع أشخاص سلبيين ، فمن المرجح أن تصبحي سلبيًة أيضًا؟ فالاشخاص المحيطين بكي لهم تأثير كبير علي نفسيتك و طريقة تفكيرك و نظرتك للأمور من حولك .

ذلك اعتزلي ما يؤذيكي من أشخاص و مواقف و أماكن تسبب لكي الاذي و الاحباط , و ان لم تتمكني من اعتزالهم , فلترسمي حدودا صحية مع الجميع ,  و قللي مساحات التواصل مع الاشخاص السلبيين دائمي الشكوي و تصدير الطاقة السلبية لمن حولهم و اجعلي التواصل معهم علي قدر قضاء الحوائج دون مزيد من التورط في النقاشات و المواقف السلبية معهم , كوني بين  أولئك الذين يرفعون من شأنك ويجعلونك تشعري بتحسن.


6- نعمة الامتنان و الرضا

الشخص السعيد يكون سعيدًا لأنه يعرف ما بحياته من نعم كثيرة تدعو للحمد و الشكر لله , و عندما يكون هناك الكثير لنكون ممتنًين له ، من الصعب أن يتملكنا الحزن , و اذا كنتي تواجهي صعوبة في أن تكون ممتنة؟ احتفظي بمفكرة تسجلي فيها الأشياء التي تشعري بالامتنان لها كل يوم! يمكن أن يكون أي شيء على الإطلاق ، بما في ذلك:

  • - صحة جيدة
  • - الحصول على الطعام والماء
  • - بيت امن و سقف فوق رأسك
  • - العائلة / الأصدقاء الذين يحبونك
  • - وظيفة تدعمك و مصدر دخل يغنيكي عن السؤال
  • - ابتلاءات فرجت بفضل الله
كلها نعم قد لا نشعر بقيمتها لأننا اعتدنا عليها و نتعامل معها بضمان , لكن لا قدر الله اذا فقدنا احدها فقد نندم كثيرا

في ختام كلماتي :

اكبر غلطة تقترفها  اي امرأة بحق نفسها و في حق من يحبونها , انها تذوب مثل حبات  السكر في الشاي,  تتوه و تنسي نفسها بين الهموم و الضغوط و مشاكل الحياة ,  و تصبح في اخر اولويات نفسها  و اولويات من حولها 

كوني قوية , لأجل نفسك , كوني قوية لأجل من يتكأون عليكي.
حبك لذاتك و اهتمامك بها ليس أنانية و لا رفاهية , فلو لم تعرفي كيف تحبين ذاتك , لن تتمكني من تلقي الحب او تقديمه

0

محمد ثروت - يا مستعجل فراقي - حقيقة مش أغنية

محمد ثروت - يا مستعجل فراقي - حقيقة مش أغنية

محمد ثروت - يا مستعجل فراقي - حقيقة مش أغنية

محمد ثروت - يا مستعجل فراقي - حقيقة مش أغنية


انهاردة كان عندي استشارة كدة فكرتني اوي بأغنية محمد ثروت - يا مستعجل فراقي

فكرة ان في حد فجاة كدة يجي يقولك مش عايز اكمل - مش لاعب
بدون ماتكون ارتكبت ذنب او غلطت في حقه او قصرت

و اللي يوجعك اكتر لما يقولك لا انت كويس و تمام و مفيش فيك حاجة
ايوا يعني انت كدة لوحدك ؟ فجأة كدة قررت تهد المعبد و عايز تمشي لمجرد انك زهقت

طيب اعمل ايه . ارضيك ازاي ؟ هو كدة - مفيش -  ماتعملش حاجة 

فكرة ان في حد يخيب ظنك فيه و يهدم الصورة الحلوة اللي ليه في دماغك و اللي انت ممكن تكون حاربت من خلالها عشان تكون معاه و جنبه

ممكن تكون اتنازلت عن حاجات كتير و ضحيت بحاجات كتير و ضيعت علي نفسك فرص كتير , و فجأة كدة يجي الشخص دا يقولك كفاية كدة -  انا مش مبسوط

في لحظة كدة بتتهدم أحلامك و أمانك و حياتك بتنهار قصاد عينيك عشان حد مش مسئول مش عايز يكمل اللعبة او فجأة لقي نفسه مش عايز يتقيد او يشيل هم حد تاني او ايا كان السبب اللي حتي حرمك انك تعرفه , و حرمك حتي من انك تحمي احلامك دي و تبقي مجرد متلقي لقرار فردي بدون ما يكون ليك الحق في المشاركة فيه 

للاسف الشديد لما السكينة بتسرقنا و احتياجنا بيعمينا , و بنعامل الناس حسب الصورة المثالية اللي بنرسمها لهم في دماغنا مش حسب حقيقتهم و واقعهم , بتكون صدمتنا كبيرة لما بيخذلونا 

و الرهان هنا بيكون علي قدرتك انك تفوق بسرعة من الصدمة دي و تاخد القرار المناسب ليك بعقلك او انك تفضل تلف حوالين رضاهم و تهين نفسك اكتر و اكتر و مستني لحظة يغير فيها رأيه

و ياتري لو انت بتقرأ الحكاية دي و تعرضت لنفس الموقف , و حد قالك فجأة كدة انا مش عايز اكمل هتعمل ايه؟

شوف بقي كلمات الاغنية بتقول ايه

يا مستعجل فراقي انا مبقتش باقي
ولا عمرك تلاقي
من بعدي ناس غاليين
انا اللي يودعوني
هما الي بيخسروني
و مبتبكيش عيوني
على ناس ولا فارقين
يا مستعجل فراقي
انا مبقتش باقي
ولا عمرك تلاقي
من بعدي ناس غاليين
انا اللي يودعوني
هما الي بيخسروني
و مبتبكيش عيوني
على ناس ولا فارقين

اتكتب
كل حد يروح لحاله نفترق
نبعد وماله نفترق
كانت عنيه مغمضة
فتحت على مأسآه
الندم مالهوش في قلبي خلاص مكان
ولا عمري هديلك امان
ضيعت كل الوقت ده
ازاي كده اهو درس و فهمناه

يا مستعجل فراقي
انا مبقتش باقي
ولا عمرك تلاقي
من بعدي ناس غاليين
انا اللي يودعوني
هما الي بيخسروني
و مبتبكيش عيوني
على ناس ولا فارقين

يا مستعجل فراقي
انا مبقتش باقي
ولا عمرك تلاقي
اتكتب سطر النهاية للأسف
مانتش معايا للأبد
فعلا كفاية عليك كدة
و كفاية جرح و آه
الأمل ان انت تتغير ضعيف
و الوضع ده بقى شئ سخيف
و انا ايه جابرني لكل ده
حب انتهى وأنا شكوتي لله

0

آخر تذكرة لقطر الجواز

آخر تذكرة لقطر الجواز

آخر تذكرة لقطر الجواز



آخر تذكرة لقطر الجواز

ارجوك قولي اعمل ايه؟
انا محتارة ودماغى تعبتنى ومش عارفة اخد قرار انا 
انا انسة وعندى 40 سنة ،مخطوبة لشخص كويس
عارفة انى كبرت و هو مطلق طبعا ، بس اكتشفت فيه عيوب كتير مش عارفة اتأقلم عليها يعنى وقت لما بيتعصب بيقول كلام صعب اوى حتى لو قدام اهلى ويفضل يهرتل وبعدين يعتذر ويقولى مقدرش استغنى عنك والمشكلة انى لما اتجوز هسافر معاه
انا لو صغيرة مكنتش كملت معاه لانى مبقاش عندى وقت ولا فرص تانى وكل اللى عرف انى اتخطبت يقولى اخيرا و دلوقتى بقول لصاحبتى طبعه وحش ، مش عارفة هقدر استحمله فى الغربة وانا بعيد عن اهلى تقولى احمدى ربناا انتى مش صغيرة والحقى خلفى عارفة ان كلامها صح بس انا مش مبسوطة

الرد علي الرسالة:

انا عارف ان موقفك صعب، بس حقيقي حتي لو الفرص بتقل ،علي الاقل دورنا اننا نحسن من الظروف المحيطة بيها عشان نتجنب خسائر اكبر
اقعدي مع نفسك و احسبيها كويس و شوفي ايه هي خطوطك الحمرا اللي صعب تتغافلي عنها ، و ايه اللي ممكن تتأقلمي معاه
يعني احسبيها خسائر و مكاسب ،
و شوفي هل هو فعلا بيحبك و شاريكي؟ هل في فرصة لتحسين طباعه دي ؟ هل انتي تقدري تتأقلمي مع الطباع دي ؟ هل الأمر مؤذي نفسيا و الا ممكن التعايش معاه؟
سيبك من كلام الناس و ركزي في مصلحتك و سعادتك هتكون فين؟ 
المهم ارجوكي حافظي علي ثقتك بنفسك و احترامك لذاتك قصاد اي ضغوط و خرجيهم بره اي حسبة تنازلات 

0

ليه الظالم عايش حياته وانا اللي تعبانة؟

ليه الظالم عايش حياته وانا اللي تعبانة؟

ليه الظالم عايش حياته وانا اللي تعبانة؟



ليه الظالم عايش حياته وانا اللي تعبانة؟

السلام عليكم - ارجو المساعدة

انا اتظلمت جدا ف جوازتي منه ومن اهله ظلم بين واتطلقت وهو اتجوز تاني وخلف وحياته ماشيه جدا وانا حياتي واقفه
 انا بدعي ربنا كتير يجبلي حقي نفسه ربنا يبرد قلبي من اللي عمله فيا , بس سبحان الله زي مايكون هو اللي مظلوم وربنا بيعوضه وانا اللي ظالمه وحياتي مش مستقره ابدا
انا كل يوم افضل احاسب نفسي واراجعها يمكن اكون ظلمته ف حاجه,  بس والله انا ماعملت حاجه هو اللي غدر بيا وكسر فرحتي 
ياتري ربنا ايه حكمته من كده ؟
انا راضيه والله بقضاء الله بس محتاجه افهم , دايما اعرف ان اللي بيظلم ربنا بيردله ظلمه او ع الاقل بيندم ويطلب السماح من اللي ظلمه

بس ده محصلش معايا ومش بس كده ده بيحاول يوصل لكل الناس ان ربنا عوضه ف جوازته التانيه وان عشان انا ظالماه ف حياتي مش مستقره 
انا توهت ومابقتش عارفه مين فينا ظلم التاني بس انا نفسي يدوق ولو ربع اللي عمله فيا

الرد:


قال تعالى: "وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ" سورة إبراهيم - آية 42 - مكية.

يقولَ رَسُولُ اللَّه صَلّى اللهُ عَلَيْهِ وسَلَّم: (إِنَّ اللَّه لَيُمْلِي لِلظَّالِمِ) لَيُمْلِي لِلظَّالِمِ: أي يمهله ويعطيه الوقت ويمد في عمره ويترك له أن يفعل ما يشاء، (إِنَّ اللَّه لَيُمْلِي لِلظَّالِمِ، حتى إِذَا أَخَذَهُ لَمْ يُفْلِتْهُ، ثُمَّ قَرَأَ قوله تعالى: {وَكَذَٰلِكَ أَخْذُ رَبِّكَ إِذَا أَخَذَ الْقُرَىٰ وَهِيَ ظَالِمَةٌ ۚ إِنَّ أَخْذَهُ أَلِيمٌ شَدِيدٌ}


كل مال في الامر اننا محتاجين نتيقن في عدالة الله و نصره للمظلوم
لكن ضروري اننا نتعافي سريعا و لا نشغل نفسنا اكثر من اللازم بحياة من ظلمنا

لا تكوني ضعيفة مكسور الجناح
اعلمي ان الله ما ابتلاك الا ليقويك و ما زرع في قلبك ذرة حزن الا ليقربك اليه
قصاد اكبر مشكلة هتقابليها في حياتك قدامك طريق من اتنين:

  • اما انك تفضلي تعيط و تندبي حظك و تتحسري علي الي فات و تتحسبني علي الي ظلمك
  • او انك تقفي علي رجلك و تنتصري لانسانيتك

عليك ان تعاملي روحك بما تتمني ان يعاملك به الاخرون
تقديرك لذاتك يبدأ من داخلك و ليس من نظرة الاخرين اليكي
لا تجعلي من مشكلة او ازمة المت بك نافذة ضيقة تنظري بها علي العالم الرحب الواسع
اجعلي منها خطوة في طريق نجاحك
درسا يعلمك

كل مشكلة نمر بها ماهي الا تجربة تعلمنا كي لا نكررها مستقبلا
ان شعرتي بحاجة الي يدأ دافئة ..فامسكي بيدك الاخري
فلن يهزم انسانا يؤمن بذاته

عمرك هو اغلي ثورة بحياتك .. كفاية اللي ضاع منه و اللي راح
خسارة نضيع اللي فاضل في البكا و الندم عاللي راح و اللي باع و اللي غدر

شوفي الفيديو التالي:

اقوي عقاب لمن غدر بك  و جرحك و لمن يقدر قيماك








1

رسالة ل حورية فرغلي - وقت الشدة

رسالة ل حورية فرغلي - وقت الشدة

رسالة ل حورية فرغلي - وقت الشدة

                                        

رسالة ل حورية فرغلي - وقت الشدة

   

رسالة ل حورية فرغلي - وقت الشدة


من حوالي كام يوم كان في مداخلة للفنانة حورية فرغلي علي قناة DMC المصرية , كانت بصراحة مكالمة صادمة جدا و تحمل نبرة ألم موجعة نتيجة الضغط النفسي الشديد الواقع عليها بعد عملية الجراحة في الانف اللي اجرتها بعد تعرضها لحادث اليم , كانت سبب في ابتعادها عن الاضواء و الشهرة

- وفي مداخلتها الهاتفية قالت إن الجميع اختفوا من حولها، سواء من الفنانين أو حتى من المساعدين، وهي كانت فاكرة أنهم كانوا يحبونها لشخصها، بعد ما ساعدت ناس كتير و وقفت بجانب ناس كتير , لكنهم انفضوا من حولها تماماً بعد توقفها عن العمل.. حتى العام الجديد لم يهنئها به سوى أخيها..

- وقالت إنها فقدت الثقة بنفسها، امرأةً و ممثلةً، ولم تنظر لنفسها في المرآة منذ عامين.. "دي مش حورية" هكذا عبرت عن ألمها بأنها لم تعد الشخص نفسه.. وبعدم وجود أي صديق وقت الشدة

- وقالت حورية فرغلي إنها بعد العملية الأخيرة قدمت مسلسلها مع الفنانة فيفي عبده، لكن التنمر على شكلها كان قاسياً ووصلتها تعليقات مثل "أنت قميئة" و"اقعدي في بيتكم أحسن" و"بقيتي مايكل جاكسون"..
الأمر الذي يجعل من عودتها لحياتها الطبيعية أمراً مستحيلاً..

- وعبّرت عن ألمها بأن نجاحاتها كلها نُسيت تماماً وقالت إنها أنجرزت 38 عملاً في 7 سنوات، وكانت تعمل وهي مريضة، وفي مسلسل "ساحرة الجنوب" كانت تعمل ودرجة حرارتها 40 وحتى نجاحها فيه لم يُقدر..- 

وأكدت حورية فرغلي في أكثر من لقاء أنها لم تقم بهذه العملية للتجميل "هجمل نفسي ليه أنا كنت ملكة جمال مصر 2002" بل بسبب كسر في أنفها استلزم جراحة، وبعد فشل العملية واجهت مشاكل عديدة منها , فقد الشم والتذوق وعدم القدرة على التنفس بشكل صحيح.. واضطرت لعمل 7 عمليات خلال 3 سنوات

وانها تنتظر عودة حركة الطيران في العالم لكي تجري جراحة جديدة على يد طبيب عالمي , وعد بعودة الأنف للحالة الطبيعية 

و في تصريحات سابقة ل حورية فرغلي  لموقع "القاهرة 24".

- بسمع تنمر كتير وبيتقالي" شكلك بقى مقرف " وأنا بنت بردو يعني حطوا نفسكم مكاني
- والله ما عملت عملية تجميل وشكلي اتغير بسبب حادثة الحصان داس علي وشي
- من بعد مملكة الغجر كله اختفي من حواليا ومحدش حتى بيسألني انتي عايشة ولا ميتة
- بقالي 3 سنين مابصتش في مراية- تخيلوا احساسي ايه؟، هل انا وحشة للدرجة دي ومتحبش؟


الخلاصة:

عاوز اقول لحورية رسالة مهمة اوي:

للاسف  اننا بقينا نعاني من ازمة اخلاق و تضخم في قلة الاصل و ندرة في ولاد الاصول 
المواقف و أوقات الشدة بتعلمنا و هي الي بتقوينا و تخلينا نقوم اقوي من جديد 

 اوعي من تاني  تنخدعي في اللمة الكدابة , و الناس اللي موجودين حواليكي عشان مصالحهم
شوفي معادن الناس الحقيقية وقت الشدة , عشان المواقف كاشفة
ساعتها بس هاتعرفي تعيدي ترتيب الناس في حياتك و تضعي كل واحد في حجمه الطبيعي

فلا تأمنن لأحد في رفقته حتي تراه في ثلاث :-
شدة تصيبك
ونعمة تصيبه
وجفوة بينكما

و اوعاكي تزعلي من اللي اتعشمتي فيه وقت الشدة و خذلك

فكل متعشم في غير الله مخذول
دا ربك  بس بينورك

انتي بس ادعي من قلبك وقولي:
اللهم اني اعوذ بك من نفوس تتغير حجة , و الخيبة فيمن احسنت الظن به

0

رد مفاجئ يسرا اللوزي علي متابع تنمر من ابنتها

رد مفاجئ يسرا اللوزي علي متابع تنمر من ابنتها

رد مفاجئ يسرا اللوزي علي متابع تنمر من ابنتها



رد مفاجئ يسرا اللوزي علي متابع تنمر من ابنتها

رد مفاجئ يسرا اللوزي علي متابع تنمر من ابنتها


الفنانة يسرا اللوزي، ربنا انعم عليها بطفلة "صماء"
الست بكل شجاعة قررت تتعامل مع الأمر بإيجابية و تستغل الابتلاء دا في شكل حملة توعية تدعو للكشف المبكر علي السمع للمواليد، عشان فرص العلاج بتكون اكبر مع الكشف المبكر و التعامل مع حالات الصم و ضعاف السمع في مراحل مبكرة

و بالفعل الحملة نجحت و كان في استجابة من جانب الدولة للحملة الي يسرا اتكلمت عنها في برامج كتير

للاسف الشديد، أحد المتابعين علق علي منشور الفنانة يسرا اللوزي علي انستجرام كانت بتعبر فيه عن سعادتها بنجاح المبادرة،

بقوله "ماشي يا أم الطرشا" 

رد يسرا اللوزي

الست الحقيقة، تعاملت مع موقف التنمر من جانب هذا المتابع ، بفخر و ثبات شديد 

من خلال التأكيد ازاي البنت الصغيره ذات الست سنوات، دي اللي ربنا ابتلاها بمرض "الصم " كانت دافع لأمها انها تتحرك و تعمل حملة لإنقاذ الآلاف من الأطفال الصغار بالكشف المبكر عليهم 

ف ردت و قالت:

شكراً على ذوق حضرتك .. أنا قررت استغل كلامك اللطيف عشان أقدم شوية توعية بخصوص هذا المصطلح :
أولاً : المصطلح الصحيح و المقبول هو الصم وضعاف السمع ، و ليس " الطرش " أو " البكم ".

"البنت دي علمتني اكون بني آدمة و أحسن أم بسببها"
و ربنا جعلها سبب لنجاح مبادرة الكشف المبكر علي الاطفال ضعاف السمع
و دا في حد ذاته إنجاز كبير لهذه الطفلة الصغيرة،

موجهة سؤال لهذا المتابع، ماذا انجزت في حياتك؟

موضوع قد يهمك جدا:



الخلاصة

الحقيقة، سهل تبقي ذكر او انثي و دي حاجة أكيد مش اختيارك
لكن انك تبقي انسان عندك احساس و ذوق، دي حاجة محتاجة تعب و جهد عشان تعرف تحس بآلام الناس و تحترم خصوصياتهم و ابتلاءتهم , و دي حاجة اكيد ممكن تبقي اختيارك

التنمر و السخرية من الاخرين علي اشياء ليست بأيديهم،دليل فقر شديد في الأخلاق و انعدام للتربية السليمة
و دا شيء تستحق عليه الشفقة

فعلا، التجاهل صدقة جارية على فقراء الأدب

كل الدعم و الاحترام للأم يسرا اللوزي اللي قادرة تدعم بنتها و تكون ضهر و سند ليها، مش تعمل من مرضها ازمة تكسرها و تفسد عليها حياتها 

ادعموا أبناءكم، احموهم من اي حاجة تكسرهم،
افخروا بيهم و بلاش تبقوا انتوا اول معاول هدمهم

0