متابع يتمني الموت ل " سوسن بدر " في تعدي لحدود حرية الرأي
الحدود الشخصية المنتهكة باسم الحرية
بمناسبة المتابع اللي تمني الموت للفنانة سوسن بدر , ردا علي احد منشوراتها للتعزية في المخرج حاتم علي , لما كتب لها " عقبالك "و بعد تنمر أحد المتابعين من الفنانة يسرا اللوزي و سخريته من بنتها اللي بتاعني من مرض فقدان السمع لما كتب لها " ماشي يا أم الطرشا "
بصراحة كدة بعد كثرة حالات التنمر و التعدي اللفظي اللي منتشرة علي مواقع التواصل الاجتماعي من بعض البشر
و تدخلاتهم الصارخة في حياة الاخرين و تعديهم حدود الاحترام , مش عاوزك تستغرب اوي
لأننا بالفعل بنعاني في مجتمعاتنا العربية من أزمة أخلاق , و تدني في القيم و ندرة في ولاد الأصول
مقال قد يهمك:
رد مفاجئ يسرا اللوزي علي متابع تنمر من ابنتها
طيب ايه الحل؟
عشان كدة لازم تكتر من العلاقات السطحية قدر المستطاع , عشان تتجنب مسسبات الاحباط و خيبة الامل في الناس و تحمي نفسك من تدخلاتهم المفرطة في حياتك
الاهم من كل دا انك لما تلاقي شخص بيتغير عليك بدون سبب اوعي تديله اكبر من حجمه عشان هايفهم تقديرك ليه غلط و هايتمادي فيها بزيادة , و يركبك الغلط بشكل جايز يفقدك ثقتك بنفسك و بالناس اللي حواليك
حتي لما يفوق لنفسه و يحاول يستعيد مكانته الي فقدها عمدا , اوعاك
تعاتبه او تفتح معاه نقاش حوالين موقفه السابق
التجاهل صدقة جارية علي قليلي الأصل
ارسم لنفسك حدود شخصية قوية و حاسمة في كل مناحي حياتك , بداية من
علاقاتك بالغير , نشاطاتك علي السوشيال ميديا
مين من حقه يتابع و مين من حقه يرد , و اوعي تخجل انك تاخد موقف حاسم مع
كل واحد بيتعدي حجمه و مكانه , من باب النصاحة و الاستظراف , او استنادا
منه علي انك شخص خجول او مؤدب بزيادة او شايل له خاطر
كل واحد بيحدد مكانه في حياتك حسب سلوكه و بذله من أجل ان
يبقي
الكسوف و الخجل الزائد عن الحد دي مشكلة شخصية جواك , هتشجع بعض المتلاعبيين و قليلي الذوق علي التدخل المفرط في حياتك الشخصية و فرض افكارهم السلبية علي حياتك , نتيجة ضعفك و عدم قدرتك علي رسم حدود شخصية قوية و حاسمة
انها ليست دعوة للقطيعة او الدخول في صراعات مع الاخرين , و لكنها دعوة لارساء قواعد الاحترام و الاخلاق الحمية علي اساس من التفهم و الوعي
- من حقك تحمي حياتك الشخصية , و أفكارك و قيمك و وقتك و ممتلاكتك من التدخل و اساءة الاستغلال
- من حقك تقول " لأ " بالطريقة و في الوقت المناسب ليك , طالما طلبات الغير او تدخلاتهم تسبب لك الاذي او تفوق قدراتك علي التحمل
- من حقك ان يتم معاملتك باحترام , كما تحترم انت غيرك و تراعي حدودهم الشخصية
أوعاك تخاف:
طالما بتحافظ علي حدودك و حقوقك اوعي تخاف . الخوف هايلجمك و ضعفك و يكتف ارادتك
- الخوف من كلام الناس
- الخوف من رد الفعل
- الخوف من الفقد
- الخوف من الشعور بالذنب
- الخوف من تحمل المسؤلية
كلها مسببات كافية جدا لتخريب حياتك و جعلها بيئة ملائمة للعبث و التدخل من المتلاعبين و المتطفلين
من حقك:
من حقك تقول الكلمات التالية بكل ثقة و حزم:
- انا لا اقبل
- انا لا اوافق
- هذا لا يناسبني
- انا لا اشعر بالراحة عندما
نصيحة ليك بجد
اعمل علي خفض مستوي التوقعات لدي الاخرين
حافظ علي توفير مسافة مناسبة بينك و بين الاخرين
عندها فقط ستنعم بصحة جيدة و راحة نفسية و تصبح اكثر استمتاعا بحياتك
ليست هناك تعليقات
إرسال تعليق