اعتراف جادا سميث بخيانتها لزوجها ويل سميث:
انتشر مؤخرا خبر اعتراف جادا بينيكت بخيانتها لزوجها الممثل الشهير ويل سميث و كشفها عن علاقتها الغرامية مع مغنى الراب أوجست السيناوان السبب حسب تبريرها هو مرور علاقتها مع سميث بحالة توتر او انفصال عاطفي قبل اربع سنوات
و بغض النظر عن موقف سميث نفسه او رد فعله
الحقيقية اني دايما بشوف ان شعور اي طرف بالأهمال او الفقد من شريك حياته، مهما كانت مبرراته فان دا مش سبب للخيانة او الدخول في علاقة محرمة في الظل
في ناس ممكن تبرر دا انه حفاظ علي البيت و العيال و ناس تانية بتبرره بالرغبة في الحفاظ علي المستوي الاجتماعي
و ناس تالتة بتشوفه حالة نزوة او ضعف و هتروح لحالها
او احتياج و عوز للحب و الاهتمام المفقود
و سواء كنت راجل او ست
مش مبسوط، مش حاسس بالامان، مش حاسس انك واخد حقك ...
اتكلم.. ابحث عن حل مرة و اتنين و عشرة
اطلب المساعدة من أهل الخبرة و العلم
و في النهاية بعد ان تعجز كل محاولاتك و سعيك من أجل التشبث بالعلاقة
ابتعد ، خد قرارك بالانفصال و حماية نفسك
لكن ماتغفلش الطرف التاني و تعمل شيء محرم لمجرد أن الظروف مش سامحة
لان في النهاية محدش هيقف جنبك او يتعاطف معاك او يشوفك صاحب حق، خصوصا الستات، خيانة الست في مجتمعنا وقعها و صداها اكبر من خيانة الراجل
الخيانة ملهاش مبرر غير انك ضعفت و ضيعت اي حق ليك
و اذيت ناس تانية ملهاش ذنب زي اهلك و اولادك
اذيتك لنفسك و نظرتك و احترامك ليها
الخيانة عمرها ماكانت حل و لا لها اي تبرير
و من ناحية اخري نصيحة لكل شريك حياة, حافظ علي مسافة قربك من شريك حياتك, كن دائما قريبا متطلعا و لا تتعلل بالانشغال عنه لاي سبب
ان الحفاظ علي جودة الاوقات المشتركة بين شريكي الحياة و التواصل المستمر بينهما هو ما يحقق الاشباع النفسي و العاطفي و يغلق الباب نهائيا امام اي فرص لضعف النفس او تزايد فجوة الاهمال بين شريكي الحياة
اتكلموا , حلوا خلافاتكم اول باول و لا تسمحوا لفيروسات الاهمال ان تتمكن من اوصال علاقتكم
ليست هناك تعليقات
إرسال تعليق