في مسلسل الا انا و حكاية ربع قيراط


في مسلسل الا انا و حكاية  ربع قيراط

في مسلسل الا انا و حكاية ربع قيراط 

 مني ( ريهام بعد الغفور ) ست زي ستات كتير , اتعلمت ان الست الاصيلة هي الي تيجي علي روحها و تحرم نفسها من كل حاجة عشان ترضي راجلها

و كل ما تتنازل اكتر الراجل هيرضي اكتر و يتمسك بيها اكتر
و كل ما تتحمل اكتر من اذي و ظلم و افتري , هتبقي ست عياشة و تعمر

المشكلة ان مني و كتير من الستات الي زيها لما بتقع مع زوج زي احمد ( الفنان مصطفي درويش ) , بتكون بتنازلها دا بتحفر قبر نهايتها و باديها

لانها بتعلمه الطمع و الافتري , بتهون في عينيه , ماهي هي في الاصل هانت عليها روحها
و كل ما تتنازل اكتر بتنزل قيمتها في حياته اكتر بدل ما يصونها و يشيلها فوق راسه

مش كل الرجالة اكيد اندال و قليلي الاصل زي احمد , بس الي زي احمد قلة الاصل جزء من جيناتهم , هو بس بيبقي مستني الفرصة و منتظر الظروف تسمح له بالغدر
و بيبقي عنده قدرة رهيبة علي تبرير الاذي و رمي اللوم علي الضحية

مني قالت لحمد انا كنت باستخسر في نفسي قلم الروج عشان خاطرك
البجح قالها "بس انا بحب الروج"

فيديو : 

صفات المرأة الي تقدر تاكل عقل الراجل و تحلي بعقله

     

هو شايف انها ماقصرتش, بصراحة عملت المطلوب و زيادة , ماهو ماتعودش منها انها تطلب او تتكلم او حتي تقول أي

استعداداته الكامنة من اجل الخيانة و الغدر نشطت في ظل الحياة مع زوجة متفانية , متنازلة , مضحية , طول الوقت واخد المساحة انه يشوف نفسه و احتياجاته و مزاجه و بس , و حتي لما انكشف امره , مازال عايز كل حاجة ,
الزوجة ام العيال عشرة السنين , و الزوجة التانية اللي تدلعه و تراعي مزاجه
انا مش بعمل حاجة غلط - حقي

فكرة انك تستخسري في نفسك كل شئ و تقللي من قيمتها و تيجي عليها , دي رسالة غير معلنة و دعوة للاخر انه يستهين بيكي و يضعك في اخر جدول اهتمامته
و يروح يدور علي الست البراقة الي بتلمع الي بتهتم بروحها و بتعرف تاكل عقل الراجل و قلبه , مش الضعيفة المكنسرة الغلبانة

دا مش لوم ليكي و لا تبرير للاذي
دي رسالة تنبيه قبل ان يتعدي الاهمال خطوطا حمراء يصعب اصلاح نتائجها
لا افراط و لا تفريط
و دا مش كلام مسلسلات , لانه واقع حقيقي جدا و بيحصل كل يوم اللي اسوأ منه

انا قابلت كتير في استشاراتي زوجات تم رميهم في الشارع بعد 20 سنة خدمة و تضحيات بدون حتي مكافأة نهاية الخدمة
و في الي اترمت بشنطة هدومها بعد ما سندت و ضحت و كبرت
اتقال لها مع السلامة دورك خلص .
حقي , هو دا اللي عندي , ملكيش حاجة عندي

عمر بيتسرق , طريق مظلم مابتبقاش عارفة هتروح فين و لا تبدأ ازاي و كل الخيارات المتاحة نهايتها ظلم و مهانة
لا تحويشة عمر و لا شغلانة تتسند عليها و لا أهل يسندوا

احمد غدر ب مني و راح اتجوز في االشقة الي عاشت عمرها كله بتحلم بيها ليها و لعيالها
الشقة الي حرمت نفسها مكل شئ عشان تقف جنب جوزها لحد ما يعرف يشتريها

احمد حتي لم يعطي لمني فرصة تغضب او تزعل او تقرر مصيرها
احمد باع شقتها القديمة اللي كانت ساترة مراته الغلبانة و عيالها
و كمان طلقها غيابي , لانها خللاص هانت عليه , و خد غرضه منها
احيانا السكوت بيكون مصنع للظلم و الاذي


مقال قد يهمك:

النرجسي و مرحلة سقوط القناع

الخلاصة:

اهتمامك بنفسك و قدرتك علي انك تحافظي علي احترامك ليها هو الي بيخلي الناس تحترمك و تعمل لك قيمة

لو فاهمة ان تضحياتك اللي من غير حدود و تنازلاتك العمياء دي هي الطريقة الصح للحفاظ علي الي حواليكي و كسب رضاهم
بالعكس ,الشمعة هيجي يوم عليها و تنظفئ و التضحيات هتبقي فرض لازم لا يستوجب الشكر

ان احق الناس بالحب هو ذاتك ,و فيها ايه لما تحب نفسك شوية ؟
تهتم بيها شوتين . تمنحها قليلا من التدليل
ان لبدنك عليك حق

فكرة التضحيات العمياء الي من غير حدود الي بنقوم بيها علي حساب صحتنا و طاقتنا و مشاعرنا دي مش في صالحنا و لا في صالح الناس الي بنضحي عشانهم
ان تكون ابا او زوجا قويا لائقا صحيا مهتم بذاتك خيرا من ان تكون ابا عليل رث الثياب مثير للشفقة

انتي تكوني زوجة او اما مشرقة منيرة تبعث علي الطاقة و الامل خيرا من ان تكوني الة مستنزفة مستهلكة قابلة للكسر

ولادك محتاجينك وانت في احسن حالاتك مش وانت بتستخسر في نفسك شريط العلاج و بتيجي علي صحتك.

احيانا كتير الاولاد بيتعودوا علي كدة و جايز في يوم تبقي عبء تقيل عليهم بضعفك و مرضك وقلة حيلتك

فيديو قد يهمك:

لو رماكي وراح لغيرك و رجع قالك انا ندمان و عرفت قيمتك و عايز ارجع لك

يوما ما سينفذ رصيد العطاء و تستنفذ كل ما استهلكته من طاقة ستجد فقط ردا واحدا ----" اتصرف-- دي مشكلتك"

ان اول من يقفز من المركب بعد ان تصيبها الثقوب هم من وهبتهم التضحيات العمياء بغير حدود , املا في بقائهم حولك و طمعا في نيل رضاهم

لا تكون شمعة تحترق من اجل الاخرون .. فيبحثون عن غيرها
كن قويا لاجل ذاتك
... قويا للنهاية..
كن قويا لاجل من حولك

اجعل من تقديرك لذاتك مغناطيسا يستمد منه كل من حولك القوة و السعادة
عامل روحك بما تحب ان يعاملك به الاخرون

فيديو قد يعجبك :

ليه الراجل بيزهق من الست الغلبانة المتشحتفة 

للتواصل حول الاستشارات الزوجية او استشارات العلاقات و تطوير الذات
يرجي الضغط علي الرابط التالي :

ارغب في حجز موعد لاستشارة

ليست هناك تعليقات

إرسال تعليق