كلمات أغنية حمزة نمرة - الوقعة الأخيرة - تفرد

  حمزة نمرة - الوقعة الأخيرة

Hamza Namira - El Waqaa El Akheera -

أغنية مؤثرة جدا للمطرب " حمرة نمرة " كنت من اكثر الفيديوهات الرائجة علي موقع "يوتيوب " مؤخرا

الحقيقة لما سمعت الاغنية دي بالصدفة لمستني جدا لأنها عرضت لشكل مفتقد جدا من علاقة الرجل بالمراة

الوقعة الاخيرة - ايه الفرق؟

الفرق بصراحة انها بعدت كتير عن أغاني الغدر و العتاب و الظلم  او حتي الحديث عن مفاتن المراة و ضحكتها و عيونها

حمزة نمرة في الاغنية دي جسد دور الراجل الي في عز ازماته و حزنه و انكساراته , مسنود علي ست جدعة كانت هي النور له في عز الضلمة, و قد ايه بيعبر عن امتنانه لتشجيعها ليه و وقفتها جنبه

لون مميز من الاغاني كنا مفتقدينه جدا فيما يخص علاقة الرجل بالمراة في تعزيز لمعاني الوفاء و السند و الثقة 


كلمات الاغنية

قبل خطوة من النهاية
قبل آخر واقعة ليا
بان قصادي شريط حياتي
كنتي فيه قدام عينيا

الأمل كان مات في قلبي
من المعافرة بدون نتيجة
وانتي طول الوقت جنبي
شايفة أحلامي حقيقة

كنت باهت روح وصورة
والهموم صعبة وتقيلة
قوتيني وشيلتي عني
واتقاسمنا جراح كتيرة

قلت لِك الخوف كسرني
شكلها الوقعة الأخيرة
قولتي مش هقبل سامعني
لسه سِكتْنا طويلة
انتي نور غيَّر كياني
مستحيل هتهد تاني
انتي نور غيَّر كياني
مستحيل هتهد تاني

فاكرة لما الحزن صابني
والوجع غيَّر في شكلي
كنت محبط ضهري محني
من همومي ومن مشاكلي

كله سابني اتخلى عني
كنت تايه وسط غلبي
قلبي كان مقسوم وجعني
قولتي قوم كمِّل بقلبي

دنيا ودت ناس وجابت
وانتي ثابتة من البداية
طول طريقي عليكي ساند
مهما يحصل لي معايا

قلت لِك الخوف كسرني
شكلها الوقعة الأخيرة
قولتي مش هقبل سامعني
لسه سِكتْنا طويلة
انتي نور غيَّر كياني
مستحيل هتهد تاني
انتي نور غيَّر كياني
مستحيل هتهد تاني

انتي نور غيَّر كياني
مستحيل هتهد تاني
انتي نور غيَّر كياني

مستحيل هتهد تاني

شاهد الأغنية من هنا

 


ليست هناك تعليقات

إرسال تعليق