عريس اوعي تتجوزيه
انك تتجوزي عن قصة حب او جواز صالونات دا مش الفيصل و الا اساس السعادة
طيب ايه اللي بيفرق في اختيار العريس؟
- اللي بيفرق انتي عايزة ايه من الجواز و هو عايز ايه من الجواز
- اللي بيفرق انك تفهمي ان الجواز هو مشروع للمشاركة بين طرفين رأس ماله المودة و الرحمة و السكن و المسؤليه
- اللي بيفرق مفهوم العريس اللي متقدم لك اصلا عن الجواز هل هو مشاركة و حب أم تسلط و سيطرة
- اللي بيفرق هو مدي استعداده لتفهم احتياجاتك و تقبل عيوبك قبل مميزاتك
- اللي بيفرق هو مدي استعداده لتلبية احتياجات شريكة حياته طبقا لتوقعاتها و رغباتها وليس تلبية لرغباته هو و وفق هواه فقط
مهم انك في بداية العلاقة تكوني راسمة حدود شخصية واضحة لنفسك و قادرة تحميها و
تحترميها عشان اللي قدامك يحترمها و لا يحاول اختراقها او التلاعب بيها
مهم انك تبقي حاسة جنبه بالامان و عارفة تتكلمي من غير ما تحسبيها او تكوني
خايفة من رد فعله و سوء فهمه ليكي او شعورك بالاهمال و التجاهل من طرفه
نصيحة أغلي من الدهب:
نحن نختار شريك الحياة المناسب لنكمل معه الحياة و نحقق سويا الاهداف المشتركة , و ليس مطلوب منا ان ننسلخ من جلودنا ومعتقداتنا لترتب وفق هوي الاخرين
اوقات الخلاف:
اوقات الخلاف كاشف جيد لمعادن البشر و ما في نفوسهم,
تعرفي علي الرجل من خلال اوقات الخصام و الغضب و اوقات الخلاف
شوفيه وقت الزعل شخص متسامح ام سريع الغضب شديد الخصام و قماص
شوفيه بينصر للعلاقة و الا كل اللي يهمه مايبقاش غلطان و ينتصر عليكي
شوفيه و انتي بتصالحيه لين سهل و الا كمن يفجر في خصامه
مفيش حاجة اسمها هغيره بعد الجواز
اهم شئ هو ثقتك بنفسك و احترامك لذاتك و انك تبقي فاهمة ان الراجل هو جزء من
العالم بتاعك و ليس كل العالم بتاعك
علي اي حال, شريك حياتك او الرجل الذي سيرتبط بك , يجب ان يشعر بمتعة البذل لاسعادك , لا ان يجدك ضعيفة , هشة , غير واثقة بنفسك
جناب الخطير المهم:
اللي يبقي جاي لك و شايف نفسه طاووس و اخر نسخة من نوعه دا، و يفضل يملي شروطه عليكي، و ينتقد شكلك. فكرك و حياتك دا ، قوليله شكرا مش عاوزة اتجوز
يا المعاملة تبقي باحترام و تفهم و تبقي علاقة مريحة يا بلاش منها،
قطر الجواز اللي هايفوتك دا، ممكن يبقي ركوبه ندامة و محطاته كلها وجع و خسارة
ليست هناك تعليقات
إرسال تعليق