5 علامات تؤكد أنك في علاقة تعلق سامة و ليس حب

5 علامات تؤكد أنك في علاقة تعلق سامة و ليس حب




5 علامات تؤكد أنك في علاقة تعلق سامة و ليس حب

التعلق العاطفي (Emotional attachment)

التعلق العاطفي : هو الرابط العاطفي الذي نشكله مع شخص آخر في أي وقت في حياتنا. إذا شعرنا بارتباط عاطفي تجاه شخص ما ، فنحن نريد أن نكون معه. نسعى للحفاظ على التواصل العاطفي ، لذلك نفتقده عندما يكون في الخارج ، ونحزن عليه إذا فقدناه . نعتمد عليهم أيضًا لمساعدتنا في تلبية احتياجاتنا النفسية و العاطفية، وقد تكون لدينا رغبة قوية في مساعدته على تلبية احتياجاته .

علاقات التعلق السامة

هي اللي بتستنزف مشاعرك و صحتك و كل طاقتك و بتحولك الانسان عصبي، وشك مطفي حاسس انك متكتف و شايل حمل كبير علي اكتافك

هي اللي حضرتك بتبقي واهم نفسك ان الطرف التاني هيغير من عيوبه اللي انت غمضت عنيك و تغافلت عنها ، الا انه دا بيطلع وهم كبير انت الي بتدفع تمنه و لوحدك

هي اللي الطرف التاني بيكون واقف فيها في مكانه مش بيقدم خطوة واحدة ناحيتك و بيبقي متأكد و بثقة انك هتيجي و بسرعة.. مضمون يعني زي الخاتم او القرش الماسح

لذلك في خمس علامات واضحة تؤكد انك متورط في علاقة تعلق سامة


اولا:

لما تلاقي صمتك بيزداد امام تكرار عملية اهانتك و التقليل من شأنك في السر و العلن، و كل ما يزداد صمتك،كل ما الاذي و التعدي عليك يزداد سواء الاذي اللفظي و النفسي او الاذي الجسدي

ثانيا:

لما تبقي عارف و متأكد ان الطرف الآخر بيكدب عليك و بيتلاعب ب

يك و لا تحرك ساكنا او ناخد موقف حاسم،
لان احتياجك يضعفك و يلغي إرادتك، و هذا ما يشجع الطرف الآخر علي مزيد من الكذب و التلاعب و تجاهل احتياجاتك او مراعاة مشاعرك

شاهد الفيديو التالي:

شوف لما بتقرر تكمل في علاقة سامة , بيحصل لك ايه


ثالثا:

لما تلاقي نفسك طول الوقت الطرف الاضعف اللي بيقدم تنازلات باستمرار لكن دون جدوى،

و رغم انك من البداية بحب و عشم و ثقة مفرطة , قررت تتبرع بتقديم التنازلات و التضحيات كعربون محبة و اثبات كرم اخلاقك و عواطفك , لكن مش بتلاقي في المقابل اي تقدير، و مع الوقت بتتحول لفرض عليك و بتضطر تغمض عينيك عشان المركب تمشي


رابعا:

لما تحس بعدم الأمان رغم كل ما تقدمه او تبذله في هذه العلاقة

علاقة شكلها حلو من بره و الناس بتحسدك عليها ،لكن لا تشعر فيها بالامان ، دايما قلقان و متوتر و حاسس بالتهديد و شايل الهم , حتي وان اظهرت عكس ذلك 


خامسا:

لما تفقد ثقتك بنفسك و احترامك لذاتك. تبقي شخص هش ضعيف اي كلمة سلبية او نقد جارح او تتحاسب علي اخطاء انت ماعملتهاش ،انما هتعمل ايه في التلكيك و الناس اللي بتعرف تفلب الترابيزة علي دماغك ،استغلالا لنقاط ضعفك اللي انت مش قادر تحميها
لما تتحول الي شخص ضعيف الارادة, خايف تواجه الدنيا من غيره او تنظر للحياة من دونه علي انها العدم او الموت 

اثبت مكانك:

لو حضرتك علي اعتاب علاقة زي دي او متورط في علاقة من النوع دا

اثبت مكانك
حافظ علي الشوية اللي باقيين من صحتك
لازم تقف و تعمل حدود لتجريف الطافة و استنزاف المشاعر الي بيحصلك دا

صحيح الامر مش سهل و صحيح هتبقي عامل زي المدمن الي بيشوف الويل عشان يتخلص من اثر المخدرات عليه
بس بعدها هاتشعر براحة مزهلة

هاتشعر انك خفيف و مبسوط و متحرر من كل ضغوط
هاتشعر انك بتعرف تنام مرتاح البال من غير فكر و ضغوط و كراكيب في دماغك انت اللي حطيتها لما عملت حساب للناس  و اديتهم اكتر من حقهم

محدش بيتغير عشان حد لو مش عايز يتغير
التضحيات الي من غير حدود انت بس الي هتدفع تمنها لوحدك

العلاقات دي ممكن تبقي بين الاهل او الاصدقاء او المتزوجين و الاحبة

العلاقات الصحية

 هي اللي  بتكون واضحة منذ البداية و قائمة علي الاحترام المتبادل و التقبل و المشاركة
حتي وقت الخلاف بنكون فيها بنختلف عشان بعض مش ضد بعض

العلاقات الصحية بتقوم علي نية صادقة تدعمها ارادة قوية تحميها

مقال قد يهمك:

هناك 3 تعليقات

  1. الله يحفظك ويخلي ليك اولادك يا استاذ💝

    ردحذف
  2. حضرتك كانك بتتكلم عليا فى المقال ده انا كنت ف علاقة سامه دمرتنى تماما كل الكلام ده كان بيحصل فعلا وحصل انفصال بنا بس للاسف انا مش عارفه اتعافى من الالم النفسى ياريت يا دكتور تساعدنى ربنا يكرمك ويجازيك خير انا حاسه انى بغرق ومفيش ايد بتتمدلى عشان تنقذنى

    ردحذف