علاقات سامة ضارة جدا بالصحة و تسبب الوفاة

علاقات سامة ضارة جدا بالصحة و تسبب الوفاة


علاقات سامة ضارة جدا بالصحة و تسبب الوفاة

فاكرين حكاية الست اللي راحت فضفضت شوية مع جروب ستاتت و فضلوا يسخنوها ويشحنوها ضده لحد ما رجعت انفجرت في في وش جوزها بكلمتين زي السم , للاسف الزوج المسكين ماتحملش من القهرة و مات

في حكاية تانية بقي ان في اتنين متجوزين من سنين , و طول الوقت و الراجل ضاغط علي زوجته نفسيا بزيادة, نقد و تجريح و اهانات بلا رحمة او شفقة
لحد ما في يوم كعادته بيأنبها علي حاجات تافهة و عادية في البيت من اللي المفروض بتحصل بين اي اتنين متزوجين , وممكن يتغافل عنها او مايكبرهاش

لكنه للاسف انفعل عليها و راح ضاربها بالقلم في الشارع .
و بعدين بمنتهي السخافة و البرود بيحاول يصالحها بأكلة بطاطا عالكورنيش
الست من حرقتها و الضغط النفسي اللي عايشة فيه لسنين , اصابها اليأس ف اانتظرت لما اداها ضهره و راحت رامية نفسها من فوق الكوبري و انتحرت

انتحرت من القهرة و كسرة النفس بعد ما فاض بيها و معادتش قادرة تتحمل اكتر من كدة
جابت اخر طاقتها اللي اتسنزفت مع السنين ,و للأسف الزوج الظالم و لا حاسس و لا واخد باله انها يوم ورا يوم بتنطفي و بيتم دفعها بالبطئ نحو الهلاك

المهم ان الراجل لما سألوه ايه اللي حصل عشان مراتك تلقي بنفسها في النيل؟
رد و قال ضربتها و بصيت حواليا و الحمد لله لقيت محدش شافنا
هو دا اللي كان شاغله و اللي فارق معاه ..ان محدش شافه

علاقات سامة

للاسف دي بعض الأمثلة ل العلاقات السامة اللي في حياتنا, اللي بنفضل نتحملها و احنا فاكرين ان سكوتنا عليها ممكن يكون طوق نجاه او معبر نحو حياة أفضل
علاقات , الطرف الاخر فيها يتمادي في الاذي و التدمير مع كل لحظة صمت و كل تجاوز و كل تضحية نقدمها في سبيل الابقاء علي علاقتنا به

لكن مزيد من الصبر علي علاقات مؤذية كهذه لا ينوبنا فيها الا مزيدا من الوجع و الاستهلاك و الضرر النفسي و الجسدي 

شاهد الفيديو الهام التالي بعنوان:

شوف لما بتكمل في علاقة سامة بيحصل لك ايه.. و 5 حلول للنجاة


الخلاصة

بلاش بقصد او من غير قصد نفضل نضغط علي الي قدامنا و نخاطر بقدرته علي التحمل و الصبر لما يجيب اخره و ينهار بدون مقدمات
في ناس بتفضل كاتمة جواها و داخلين علي اعراض اكتئاب و مش بتعرف تعبر و لا تعترض
في ناس من اليأس بتكتم في روحها لحد ما تنفجر مع اخر ذرة طاقة جواها

الكلمة الطيبة صدقة

بلاش تضغطوا علي الي حواليكم و تتعاملوا مع آلامهم و مشاكلهم باستهتار و تجاهل او تأنبوهم و تدمروهم باللوم و السخرية و تدفعوهم الي حافة الانهيار
ماتفتكرش انك ظريف ولا هزارك لذيذ
او ان الي قدامك هايفضل يتحملك كدة من غير حدود

الراحمون يرحمهم الله

المقال جزء من كتابي " الزم حدودك "

ليست هناك تعليقات

إرسال تعليق