جوزي عاوز يتجوز عليا - أعمل ايه؟
الحقوني مش عارفة اتصرف ازاي
جوزى بيقولي انا بحبك بس عايز اتجوز تاني علي سنة الله و رسوله و مش عايز اعمل حاجة من وراكي
قولت له انا مقصره في ايه عشان اعرف. قالى انتي زي الفل و مش مقصره في حاجة - بس انا عايز اتجوز و دا حقي الشرعي
انا راجل مقتدر و اقدر افتح بيتين , بدل ما اعمل حاجة تغضب ربنا
طب عرفتها امتي و فين و ازاي . مايردش
طيب نروح لحد يساعدنا او اديني فرصة احاول ارضيك او اشوف انت عاوز ايه تاني مش فيا ,
رافض تمام و بيقولي خليها برضاكي و بعلمك احسن , وبعدين انتي بتحرمي شرع ربنا ليه
انا معايا بنتين , وعلي فكره مافيش خلافات بينا وطلبت الطلاق ومش راضى بيقولي انا بحبك و ماقدرش استغني عنك
أنا بموت في اليوم ألف مرة , ومش عارفة أخرة العيشة دي اية؟
ودايما خايفة من الاي جاي عايزة أعرف هو فعلا الراجل ممكن يبقي عايز يتحوز عشان غريزة فيه محتاج حاجة معينة بزيادة شوية فعيزها بالحلال عشان معندوش استعداد يعمل حاجة حرام تاني فعلا الكلام دا صح؟؟
دي كلها حجج واهية انا اما زوجي بيقولي كدة اشترتط عليه يتجوز ثلاثة مرة واحدة ماهو يا نعيش عيشة هادية يا إما نكرهه في عيشته
ردحذفوما حدش يقول الشرع محلل والرسول اتجوز اكتر من واحدة لا انتو بتفهمو في الشرع ولا ترتقوا لمنزلة الرسول الكريم