10خطوات للتخلص من تأثير العلاقات السامة ( اعتزل ما يؤذيك )

10خطوات للتخلص من تأثير العلاقات السامة ( اعتزل ما يؤذيك )


10خطوات للتخلص من تأثير العلاقات السامة ( اعتزل ما يؤذيك )


كتير مننا بيقرأ مقولة " اعتزل ما يؤذيك " بس بنشوف ان التطبيق  أمر صعب شوية ,  خاصة لما يكون ما يؤذيك دا بيجي من الناس القريبين زي الاهل و شريك الحياة , او من زميل عمل او مدير و لا نستطيع ترك العمل لظروف مادية او غيرها

للاسف العلاقات السامة مش بس ليها تأثير سلبي علي المشاعر , لكن كمان وجودك طرف في علاقة سامة بيأثر سلبا علي صحتك , لان الضغوط النفسية اللي ممكن تتعرض لها في علاقة غير صحية قد تصيبك بالاكتئاب او القلق المزمن او التوتر و غيرها من الاعراض النفسية و كمان بتجعلك عرضة للاصابة بالامراض الجسدية زي القلب و الضغط و السكر و غيرها من الامراض

طيب ازاي الانسان يعتزل ما يؤذيه لو مش عارف يمشي او صعب يمشي

في السطور التالية هكلمك عن اهم  10 خطوات استراتيجية اعتزال الاذي


  • اول شئ لازم تطهر حياتك قدر المستطاع من مصادر الطاقة السلبية زي صفحات الفيسبوك او الحسابات اللي بتصدر لك الاحباط و بتضغط عليك بالمقارنة و الشعور بالياس , الغي متابعة اي حد بيسبب لك الاذي او بيصادر علي فكرك و حريتك 
  • تابع الصفحات المفيدة و  الناس الايجابيين الملهمين , اللي بيزرعوا فيك الامل و تقدر تشوف في رحلات نجاحهم قدوة و خريطة طريق تنور حياتك

  • قلل علي قد ما تقدر الحوارات و النقاشات مع الناس السلبيين اللي حواليك , و خلي اوقاتك معاهم محدودة قدر المستطاع . لكن لا تناقش معاهم احلامك او افكارك حوالين شغفك , اعمل في صمت , و اختار الناس اللي تستشيرهم و تاخد برأيهم

  • اي حد بيتعمد يفقدك ثقتك في نفسك و يرزع في نفسك الخوف و الاحباط  , بلاش تجهد نفسك معاه بالتبرير و الدفاع عن النفس و الجدال العقيم و حدد علاقتك بيه او بلاش تمنحه وقت كبير من حياتك 

  • اشتغل علي تعزيز ثقتك بنفسك من خلال الاهتمام بصحتك و شكلك و مهاراتك و اجهل دائما تقديرك لنفسك نابع من داخلك, لانك لو جعلت تقديرك لنفسك مرهون بنظرة الناس ليك , هتفضل طول عمرك مهزوز و اي كلمة توديك و تجيبك

  • اخلق التوازن في علاقاتك من خلال التواصل مع ناس ايجابيين و كون علاقات و صداقات مع ناس محفزين لديهم شخصيات متوازنة و نفوس صافية

اقرأ عن :

تأثير العلاقات السامة علي صحتك الجسدية و النفسية


  • وسع دايرة حياتك و اخرج للنور من خلال الاشتراك في انشطة و حضور ندوات و مؤتمرات و كورسات تعزز فيك الروح الايجابية , و تمنحك فرصة لثقل خبراتك و تكوين علاقات جديدة

  • مارس شغفك , في اي ظروف و بأي مساحة من الوقت , سواء بالقراءة او حضور ورش عمل او علي مستوي الممارسة العملية  و البيزنس ,  لأن شغفك هو نظام التبريد الطبيعي اللي هايقلل من تأثير الضغوط و التوترات علي حياتك و يزود جواك اليقين و الحماس عشان تكمل حياتك بثقة

شاهد الفيديو التالي بعنوان

أقوي علاج للتعامل مع العلاقات المؤذية 


  • اتعلم ترسم حدود صحية حاسمة بينك و بين اللي حواليك , تقدر من خلالها تحدد ما يمكنك تقبله و ما لا يمكنك تقبله , المهم تبقي عارف اصلا ايه هي حدودك و خطوطك الحمراء التي لا يجب علي الاخرين تجاوزها , و و مدي متانة الحدود او هشاشتها هي نتاج افكارك و معتقداتك و اسلوبك في التواصل مع من حولك , المهم تتعلم تعبر عن نفسك بهدوء و ثقة بدون ما تعطي اللي قدامك فرصة يتلاعب بك او يلتف حوالين كلامك او يستغله ضدك و يبتزك نفسيا و عاطفيا 

  • اهم شئ , لو اللي قدامك بيتعمد يؤذيك و بيزرع فيك الشك و الاساءة , اوعي تسلمه مفاتيح نقاط ضعفك, اعمل علي حماية النقاط دي او معالجتها عشان ماتبقاش الطوق اللي بيلفه حوالين رقبتك او , ممكن تكون نقطة ضعفك الخوف من الهجر , او الاحتياج للعاطفة - اتعلم تعالج امورك و تواصل مع شخص متخصص يساعدك , لكن لا تستسلم و تقضي حياتك في البكاء و الشكوي 

مقال قد يهمك:

هناك 5 تعليقات

  1. مقالة رائعة وكلام كلو منطقي وجميل بشكر حظرتك ديما في تقدم

    ردحذف
  2. طيب ولو كانت العلاقه السامه مع زوجك و انت غير قادر تنفصل الحل اه

    ردحذف