4 تغيرات مهمة لتحقيق النجاح بحياتك
تحقيق النجاح:
مع اقتراب سنة 2020 علي الانتهاء و نحن علي مشارف استقبال عام جديد 2021 و
كل منا ينشد النجاح و يسعي اليه
عايز اقولك نصيحة مهمة اوي من واقع
تجربة شخصية و مشاهدات حياتية في البيت و العلاقات او في اي career , عشان
تلاقي طريق النجاح بوضوح و بدون ما تشعر باليأس و الاحباط
سواء كنت شاب في مقتبل العمر و نفسك تحصل علي degree او شهادة علمية في
الBusiness software او نفسك تتجوز و تفتح بيت و تبقي سعيد مع شريكة حياتك و
أولادك
سواء كنت موظف في بنك او رائد أعمال او مبرمج كمبيوتر او حتي
طبيب
اهتمامك بنفسك و تطوير ذاتك , اهتمامك بشكلك و مظهرك جزء مهم و صانع
أساسي لسعادتك و نجاحك و باعث علي سلامك الداخلي
تطويرك لنفسك في الأربع نواحي التالية هي سر سعادتك و راحة بالك , و اي عجز
او تقصير في جانب منها سوف يؤثر سلبا علي المجالات الاخري
4 خطوات لكي تصبح شخصا ناجحا:
اربع تغيرات مع السنة الجديدة تحدث لك الفارق
اولا: في بيتك
مش عشان تبقي زوج طيب و اب مكافح و مخلص لبيتك , يبقي تهمل في هيئتك و شكلك و صحتك الجسمانية و النفسيةاهمالك لنفسك دا مع الوقت بيعمل تآكل في طبقة السعادة الداخلية جواك و هايجي عليك وقت تحس ان عمرك اتسرق منك , وانك رغم كل التضحيات الي بتقدمها مش مبسوط
مش ﻻزم يبقي لبسك brands , و لا تكون من هواة التباهي بال Online shopping
بس ضروري تحافظ على تناسق شكلك و لبسك بشكل يعكس ثقتك بنفسك و شعورك بالراحة
ان تكون ابا او زوجا قويا , ناجحا , لائقا صحيا , مهتما بذاتك خيرا من
ان تكون ابا عليلا رث الثياب , مثيرا للشفقة
ولادك محتاجينك وانت في
احسن حالاتك مش وانت بتستخسر في نفسك شريط العلاج و بتيجي علي صحتك.
اولادك محتاجينك قريب منهم , بتسعدهم بقربك و حسن تواصلك معاهم بلا صدام او تعسف و ارهاب
احيانا كتير الاولاد بيتعودوا علي كدة و جايز في يوم تبقي عبء تقيل عليهم
بضعفك و مرضك وقلة حيلتك
يوما ما سينفذ رصيد العطاء و تستنفذ كل ما
استهلكته من طاقة ستجد فقط ردا واحدا ----" اتصرف-- دي مشكلتك"
تمتعك
بالصحة و القبول قدام شريك حياتك و أوﻻدك مصدر ثقة و فخر,
و دا افضل من
انك تكون شمعة تفضل تحترق و تتاكل لحد ما تتلاشي و يبقي الكل خسر
شوف في المقال التالي:
10 خطوات لبناء ثقتك بنفسك
ثانيا: مع مراتك
مش عشان انت راجل البيت, يبقي تهمل في نظافتك الشخصية و التجمل لزوجتك و في المقابل تبقي عايزها طول الوقت ملكة جمال و شمعة منورة
و مش عيب انك تتعلم ازاي تلبي احتياجاتها زي ما هي عايزة مش زي ما انت عايز
و شايف و بعدين ترجع تقول هي مش راضية ليه, التفهم و البذل المشترك هو اللي
هيقربكم من بعض
لو معيشها في قصر و مش فاهمها صح و لا عارف تحتوي احتياجاتها
بالاهتمام و الرعاية , هايكون بالنسبة لها سجن و مكان للصدام الدائم
بينكم
برده هي كمان من حقها تشوف فيك الصورة الي ترضيها و تجذبها , و السلوك اللي يطمنها و يشبعها عاطفيا, دون ان تكون شخصيتك او شكلك او معاملتك لها سببا في نفورها منك
الست تحب الراجل الجذاب المتجدد . الي بيعرف يخطف عنيها و قلبها , حتي في اكثر اوقاتكم خصوصية , هي بتكون محتاجة انها تتهيأ عاطفيا و تشعر بالحب و الرغبة في القرب منك حتي تمنحك المتعة و السعادة و النشوة
نجاحك في اقامة علاقة مستقرة قائمة علي التفاهم و الاحترام مع شريكة حياتك مفتاح كبير و هام لتحقيق النجاح
ثالثا: علاقاتك:
اكبر غلطة تعملها في حياتك انك تقفل علي روحك و تنعزل بعيد عن الناس ,
او تحرم نفسك من امتلاك شبكة علاقات مناسبة و عادلة , التوازن مهم و
مطلوب
يكون عندك اصدقاء و معارف , تكون شخص بيحضر مناسبات و انشطة
و مؤتمرات
تتعرف علي ناس , تتعلم افكار و ثقافات جديدة - معرفة الناس
كنوز
صدقني هتتاخر كتير اوي لو ماعملتش كدة , و الوحدة في يوم هاتصيبك
بالاكتئاب
امتلاكك networking قوية تخدم و تتخدم فيها , و تخليك دايما علي بال الناس
و في أولوية اهتمامتهم هو الي هايفتح لك الفرص و هايسندك وقت
الازمات
الكسل و التراخي و الانغلاق بعيدا عن الناس بيخلي خطوات
حياتك بطيئة و محدودة
المهم انك تكون شخص قادر يدخل علاقات صحية و
متوازنة و يرسم فيها حدود صحية واضحة تحميك من التلاعب و الاستغلال او بدون
ما تطغي احدي العلاقات علي غيرها
النجاح في اقادة علاقات صحية متوازنة مصدر للثقة و السلام النفسي لكل انسان
مقال قد يهمك:
فن رسم الحدود في العلاقات
رابعا: شغلك و كاريرك:
لو فاكر انك لمجرد امتلاكك الخبرات و التفاني في مجال تخصصك فقط (
حمار شغل ) ان دا لوحده هيفتح لك ابواب المجد و النجاح الترقي تبقي غلطان
جدا
بجانب الخبرات و الشهادات العلمية او ال degrees في مجال البرمجيات
Business Software او المجال الطبي او الهندسي , بجانب قراءة الكتب العلمية
و المراجع المتخصصة و احدث الابحاث العلمية
ﻻزم يكون في image او تبقي شخص presentable بتعرف تعمل Marketing لمهاراتك من خلال Communication skills قوية و شكل خارجي واثق و جذاب عشان تقدر تسوق نفسك و اسمك كويس ﻻنها بتزيدك ثقة و مصداقية لدي اي عميل او صاحب عمل
لازم تكون شخص مثقف و متطلع و بتحضر Conferences & seminars تتعرف من
خلالها علي ناس مختلفة في مجالات عمل مختلفة زي ال Mortgages , startup &
computes sciences او في الفنون و الثقافة
ناس تتبادل معاهم الافكار و الخبرات و تزود بيهم ال networking
بتاعتك
و اﻻ هتفضل طول عمرك حمار شغل يركبه اﻻخرين نحو ابواب النجاح و الترقي و
انت واقف مكانك محلك سر و العمر بيجري منك دون ان تدري
هتفضل تضيع منك فرص ذهبية وانت مش عارف السبب
في النهاية
البدايات الغلط بتاخر كتير , و اللي بيأخر اكتر هو التغابي و الاصرار علي الغلط ,عمرك هو اغلي ثورة بحياتك , خسارة بعد ما تضيعه في البكاء الي راح و الي حصل و الي باع
سهل اوي نعيش في دور الضحية و نشعر بالظلم و التعنت , لكن اللي مش سهل لكن
يستحق هو انك تشتغل علي روحك و تبقي واقعي معاها و تعامل روحك بالطريقة
اللي تحب ان يعاملك بها الاخرون
البداية الحقيقية من جواك انت
النصائح اللي في المقال دي خلاصة تجارب و اخفاقات ناس كتير ضلوا الطريق
للنجاح في حياتهم , و لم يتعلموا من دروس حياتهم , فضاعت سنوات عمرهم هباء
في الحسرة و الندم
انا شخصيا وقعت في غلطات كتير منها ضيعت عليا فرص كتير و ياريتني كنت
فطنتها من بدري
تعلمك من اخطاءك و استفادتك من اخطاء الاخرين هو السبيل الاهم لتحقيق
النجاح بحياتك
ليست هناك تعليقات
إرسال تعليق